Posting Time: Sep 03, 2024, 02:28 AM #
🙂↕️↕️ 同意啊 當我成功走佬之後第一樣嘢就係去搵醫生做身體檢查 醫生：你咁後生應該唔駛做住，你依家做唔免費包，要自己出去比錢。最多免費比你驗尿。 我：快啲book!我要查！ 最後有驗眼+驗尿 （不過仲拖緊驗血🤡） Btw 識潛水好強！
Posting Time: Sep 08, 2024, 03:45 PM #
我諗起小學嘅時候喺啲文具鋪買過類似嘅奶樽樣嘅膠樽，入面又係咁細粒嘅擦子膠，不過係 angry birds ，然後帶返學當做學校offline版本 angry birds 上堂玩，先放幾粒喺對面做目標，再用手指彈👇一個粒揰埋去🤭
Posting Time: Sep 10, 2024, 04:07 AM #
逆風向：我以前好討厭迪士尼個Halloween會整走咗個好睇有故事嘅獅子王慶典，變咗個唔知做緊乜嘢，睇緊乜嘢嘅惡人聚會 ，又冇好似獅子王咁多嘅特技 🤫
Posting Time: Sep 10, 2024, 10:03 AM #
冇錯啦，就係咁 完全就係我嘅諗法 我連個表演啲惡人係喺邊套電影/動畫入面出現過都唔知🫣 都對佢哋冇乜興趣。 好似除咗喺個表演入邊見到佢哋（惡人）之外，出邊完全見唔到 的確係冇得咁比… 所以直接取代咗獅子王都有啲可惜
Posting Time: Sep 14, 2024, 04:55 PM #
只要唔犯法唔影響或者傷害任何人，其實自己做乜都得😉
Posting Time: Sep 14, 2024, 05:33 PM #
尋日喺學校學生會買左張postcard寄左去澳洲，以前嘅我肯定估唔到我會寄postcard去咁遠地方，甚至預計7日就可以環遊大半個地球🌍到目的地
Posting Time: Sep 14, 2024, 05:56 PM #
琴日都沿住海皮踏左來回加埋1個鐘單車諗住去買雞蛋🥚，平嘅10隻嘅又賣哂，20隻同我加左價，白白浪費左腳力🥲
Posting Time: Sep 15, 2024, 06:48 AM #
如果我有日死咗 病死都好 意外也罷 請各位跪友喺呢度獻屎 麻煩曬(´ω｀)💩 Credit :雨
Posting Time: Sep 18, 2024, 06:06 PM #
由年頭開始已經見證咗太多人退出threads 流量亦都比自然低咗好多 我覺得了解呢度啲人冇乜問題 只係上年了解嘅threads友 會比而家認識先更加正路 依家嘅threads根本唔適合識人！ 成個氣氛唔同晒 冇人可以正經討論嘢 我由年頭開始已經冇新threads友 （話說點解我成為可以交心嘅人，我唔係好人嚟🤫）
Posting Time: Sep 23, 2024, 03:47 AM #
一開始亂咁吹水話想 12月去澳洲搵 @andy5216_ 避寒，然後機票太貴放棄左，當我發現係英國考完車牌之後可以直接喺澳洲租車嚟揸，都係等我唔知幾時pass 左先再去😓
Posting Time: Sep 23, 2024, 04:00 AM #
前排我叫佢返香港嘅時候寄香港啲Postcard過嚟比我啦 已經過咗成個月我都仲未收到😭 唔係一個禮拜已經到㗎咩？ 正當我以為已經寄失咗，佢先講，原來用船寄過嚟，睇返郵局個網寫住話要90日先到， 呢個幾有復古筆友feel 😃↕️ 酒肉朋友pls遠離我 （就算未收到已經空郵寄返張Brighton postcard 去澳洲，差唔多呢幾日收到掛？）
Posting Time: Sep 24, 2024, 12:31 PM #
emo 呢排個個都同我講佢哋讀緊寫程式 ,例如我屋企人同另外一個fd明明讀經濟/財務,但就要同我一樣學寫python,用佢哋專屬嘅stata,為咗處理嗰啲經濟數據要學machine learning,搵工要求之一要識用 又或者其他人都學緊programming,例如係讀數學科嘅同學,仲要學嘅嘢畀我勁得多,C++,C,全部都係比較難嘅語言,我只係學過java同埋python,HTML系列,尋日第一日返學上lab嘅時候為咗寫unity script ,先至學C# 即係話如果依家讀CS嘅人嘅護城河係好低,依家唔係淨係讀CS嘅人先至會學寫program,如果學生都識得寫program嘅話,咁讀CS嘅意義係乜?護城河有幾低?有幾容易畀其他人取代? 佢哋唔只識得寫程式仲識其他學科,更何況仲有AI 寫程式 之前諗住喺度寫篇文,但一直拖,今年六月左右,我贏咗成間大學其他同學,攞咗大學Machine Learning比賽最佳創意獎,但我完全冇學過Machine Learning,喺學校入面正式係year先開始,我全部都係搵Chatgpt寫python,再喺自己部電腦度Run
Posting Time: Sep 24, 2024, 12:32 PM #
我交份比賽嘅時候已經清楚表明我冇讀過ML,我全部ai做,教授頒證書我嘅時候我仲特登同佢講"我AI做㗎咋",佢就話個獎係我應得嘅,況且AI就係未來…. 雖然攞咗個獎好開心,但都好似唔係咁開心,因為證明ai勁過曬成間大學嘅同學 我間大學入面,讀任何同CS課程喺Year1學嘅嘢係完全一樣,去到YEAR2先拆開,好彩我兩年前已經諗通咗,當年foundation上大學,大學有四個電腦科揀: 一個就普通CS ,依家已經證明行業護成河好少, 一個係Machine Learning,要學好多演算法,好辛苦,我數學差,我今年6月已經發現ai原來已經可以自己寫,跑就得,仲要係贏咗成個電腦部嘅挑戰賽,即係話平時上堂讀書嘅嘢基本上已經可以被AI取代啦,咁辛苦讀嚟做乜 第三個係CS for Business,我對於經濟冇興趣,又唔使揀 所以當年揀咗第四個,CS with muti media and games,似乎係唯一比較有護城河同埋冇咁快畀ai取代,由我琴日升到上year 2開始,我已經唔再完全係CS學生,寫程式已經唔再係我返學嘅重點 見大家個個都識得寫程式,只能慶幸無揀錯,起碼有少少護城河
Posting Time: Sep 24, 2024, 01:05 PM #
有陣時冇辦法，其實好多人都係咁，只係為張證書啫，叫做搵工多少少優勢，攞咗張證書之後跳去邊行都好啲
Posting Time: Sep 24, 2024, 06:09 PM #
多謝你， 我聽到C++已經喊到走咗，就係話讀嘅人好勁 咁講啫，始終讀大學最重要都係張證書，可以抬高搵到好工嘅機會，出嚟做嘢嘅時候真真正正做返啲對自己有護城河嘅工仲好，就好似你做地鐵職員咁樣！
Posting Time: Sep 24, 2024, 06:19 PM #
多謝你要咁大篇文覆我，非常同以你講嘅，只不過係我學校如果想讀AI ，就應該要揀ML,變咗普通CS感覺好怪，因為y2可能先至會學C/C++，變相我好懷疑佢會唔會教咁多理論嘢，甚至教設計CPU 等… 冇錯，但係就係如果依家啲技能已經變得基本，咁淨係讀CS嘅人，就對比其他人係普通公司搵工冇大優勢 正如好多人講，呢個世界冇一份完美嘅工，都冇話鍾意做㗎，所以唔緊要啦，船到橋頭自然直，而家後悔都太遲，又唔算真心鍾意，不過起碼有興趣。🤓 到時搵工咁難有冇人請都係大問題，我其實唔太相信學歷，我比較相信工作經驗，倒不如睇吓可唔可以搵到placement year工玩一年好過。
Posting Time: Sep 24, 2024, 06:21 PM #
就係唔靚仔，身體仲殘廢囉😕 都係等運到，畢竟呢啲嘢唔係努力就會有
Posting Time: Sep 24, 2024, 06:46 PM #
每次沖涼照鏡嘅我be like ： (我小學比人叫瘦骨仙💁🏻♂️)
Posting Time: Sep 27, 2024, 10:46 AM #
冇錯，IT畢業出嚟差極有限，只係C++比較難，讀其他語言會易啲。 （真心話：對我嚟講考C++要合格太難，最後嘥咗時間讀再轉科仲大鑊🙇）
Posting Time: Sep 29, 2024, 07:09 PM #
Imagine 喺小小世界入樹林差唔多到完之前就醒左，第一眼見到呢個💀💀 真係好恐怖，經過都打冷震
Posting Time: Oct 03, 2024, 11:17 AM #
好想聽晚食餐好嘅，依家搭緊車返屋企啦，本來諗住去間香港茶餐廳食晚餐，啱啱check 佢收九點 今晚又食得屎
Posting Time: Oct 03, 2024, 06:44 PM #
2024英國蘇塞克斯大學學生並沒有研究發現 緩解壓力最好的方法是「去死」 第一名是去死，可減少100%的壓力 第二名是逃學，可減少87%的壓力 第三名是睡覺，可減少79%的壓力 基本上都會，你沒意外令我倒是蠻意外 我天天並沒有感到很放鬆 （現在時間：03:42，今天上課時間11:00）
Posting Time: Oct 03, 2024, 06:50 PM #
Source : trust me bro
Posting Time: Oct 03, 2024, 06:50 PM #
：這2006年什麼鬼研究，是真的嗎？ 我怎麼看到這學校的人壓力很大？
Posting Time: Oct 04, 2024, 06:01 PM #
Take care！ 我呢排都成日俾啲風吹親個肚，搞到個肚唔舒服肚痾
Posting Time: Oct 04, 2024, 06:43 PM #
邊個三點九po嘢上 threads 搞到我夜晚又有心情玩手機😆😆
Posting Time: Oct 08, 2024, 03:01 AM #
Wtf 原post 3.2萬view ,原來迪士尼係流量密碼 Pls call me 資深迪士尼專家🤡 Sorry 我教壞人😖
Posting Time: Oct 10, 2024, 07:18 PM #
11/10/2024 20:00 人生第二次睇到極光，靚過上次，比上次更容易見到 企+睇咗成個鐘 凍到死，開始擔心手指腳趾凍傷，未完都已經收皮返屋企 因為肉眼睇唔到，有個人行埋嚟small talk我搞乜，佢以為我影星星 冇p圖直出
Posting Time: Oct 10, 2024, 07:30 PM #
第一次聽到有人講thameslink坐得舒服💀 明明全部都係燙衫板座椅，又冇叉電，Wi-Fi都要靠彩數，坐超過30分鐘都屎窟痛
Posting Time: Oct 10, 2024, 07:40 PM #
Sorry 🙁🥺 我爛命一條再曬就曬乾
Posting Time: Oct 10, 2024, 07:42 PM #
Hi ，我係電腦人，我個名叫做Wi-Fi ，我嘅性別係email
Posting Time: Oct 13, 2024, 07:53 PM #
不用了，去死比較好，快點推薦QE的醫生，讓我有醫生信不用上學
Posting Time: Oct 17, 2024, 05:26 PM #
Ahhhhh 點解 小明都走埋… 唉 冇fun 好似又失去咗一個識咗好耐嘅人嘅感覺
Posting Time: Oct 21, 2024, 07:51 PM #
「你鋪出黎想人難受咋嘛，你一定可以令我難受架，一定可以令人難受架，可能令埋人哋難受，咁點呢？跟住你就好開心啦係咪啊，你呢啲咪心地唔好囉，我直接屌你老母啦」-游學修  睇個ig reals啫，我知我讀野雞大學啦，得啦知你勁，收皮啦！DLLM
Posting Time: Oct 23, 2024, 02:25 PM #
置頂金句: “***以為自己去左英國就唔會有人搞佢，自己冇做過任何事怕咩人搞。之前係自已story話學校考試卷三錄音有問題，以為自己被人cap圖send去「冇自己嘅group」你諗下點解咁多「冇自己嘅group」先啦。” — 這段文字出自一位中學同學2022年在Secret上攻擊我的文章，充分顯示出，即使他知道我沒做任何事，他們仍然會無緣無故攻擊我，沒加入他們是多麼合理。 完全能夠代表我的高中生涯包括人際關係有多麼地獄，也是強而有力的個人簡介
Posting Time: Oct 23, 2024, 06:15 PM #
真係… 同一年前好大分別 依家我除咗當寫日記之外，只剩低好奇一早認識嘅大家做緊乜🫠🫠
Posting Time: Oct 23, 2024, 06:16 PM #
或者唔關事，只係冬天就嚟到，越嚟越易眼瞓🙂↕️💤
Posting Time: Oct 23, 2024, 06:19 PM #
只能夠講加油🥺 C++ 難過登天
Posting Time: Oct 23, 2024, 06:46 PM #
硬係覺得男性threads友比女性threads友更加多退threads，已經太多不能盡錄，突然意識到依家我fol嘅大部分活躍用戶都係女性🫣 當然有啲threads 友我根本就唔知性別，亦都唔根本重要
Posting Time: Oct 26, 2024, 05:50 PM #
太好了，又多咗一個鐘時差，今日可以經歷兩次一點，開始要面對15:00日落 😓
Posting Time: Oct 26, 2024, 05:51 PM #
Fyi:係唔知點解完全冇心情睇threads 完全冇理到你哋😓
Posting Time: Oct 26, 2024, 05:55 PM #
我又要重新了解一下，每日到底要幾點叫send晚安俾threads友🥺 之前係每日晏晝兩點到三點 然後我今日仲要好似兩點至四點唔得閒 所以到底我應該 1:00send定係4:00先send  點解我數學可以咁差？
Posting Time: Oct 26, 2024, 07:44 PM #
晏晝4:00日落又返嚟了
Posting Time: Oct 27, 2024, 05:31 AM #
呢排想食壽司
Posting Time: Oct 27, 2024, 08:22 AM #
完美地錯過琴日佢哋個聖誕節活動
Posting Time: Oct 27, 2024, 08:22 AM #
4:00日落又返嚟💀💀
Posting Time: Oct 27, 2024, 08:23 AM #
我係Keroro軍曹要侵略藍星 我完全唔能夠理解點解lancing個譯名係藍星 
Posting Time: Oct 29, 2024, 07:00 PM #
L 所以就係話你好勁 對比任何人嚟講，我都係一件垃圾🥲
Posting Time: Oct 30, 2024, 07:04 AM #
想今晚夜啲就去買煙花，冇諗過啲煙花其實可以咁平，$60就有12支
Posting Time: Oct 30, 2024, 07:07 AM #
太好了，今年Preston park又有返煙花睇，上年因為打風取消咗，然後我走咗去Worthing，但係今年Worthing個碼頭又話要維修，所以取消咗煙花，所以唔課金入其他要俾錢嘅煙花嘅話今年只能夠返返嚟呢度睇
Posting Time: Oct 30, 2024, 07:25 AM #
人生大道理： 「難做嘅就唔好做」-烏鴉哥
Posting Time: Oct 30, 2024, 07:26 AM #
今日係Meta歧視我嘅第4日，大家都用到萬聖節特效就除咗我之外，我果然唔係天選之人
Posting Time: Oct 30, 2024, 12:39 PM #
10年前關禮傑係跳樓之前講過： 「冇把握嘅嘢，我係唔會做」 問題係我對於呢個世界好多嘢都冇把握，但係我想唔做都唔得😓
Posting Time: Oct 30, 2024, 01:14 PM #
注意看，這個男人太狠了，男人名叫小D，有天小D買了一些炸藥💥回家。 雖然看起來很難放，但其實一點都不簡單。 不出意外的話，馬上就要出意外了， 因為太緊張，小D最後把自己炸死了☠️💀
Posting Time: Oct 30, 2024, 01:22 PM #
買完之後有一種感覺係我依家就好似金正恩咁樣可以隨時發射火箭☠️💥 一種成為壞蛋嘅感覺
Posting Time: Nov 01, 2024, 09:15 PM #
咁又冇咗一個禮拜
Posting Time: Nov 01, 2024, 09:20 PM #
我其實係好好奇，過多10年後當大部份而家掌權嘅戰後嬰兒潮世代退休之後，到底零零後可以點樣整頓社會？ 覺得全個世界都冇乜太大希望，冇乜有希望嘅地方，好似除咗新加坡仲有之外，解決呢樣嘢嘅唯一方法係世界大戰
Posting Time: Nov 01, 2024, 09:27 PM #
已經差唔多頭痛咗成個禮拜，我幾時死？ 依家陷入矛盾， 想獲得健康就唔努力，可以長命啲，但冇努力搵工冇工作經驗，或者冇讀書，冇好下場。 如果我依家太努力，都唔會有好下場，會早病死。 結論係無論點，我都死路一條！🤓
Posting Time: Nov 01, 2024, 09:29 PM #
硬係覺得呢個社會刻意製造好多焦慮俾人 顯然我嘅人生目標，並唔係搵到一份工作 而係可以休閒地做到自己想做嘅嘢 又唔係獨醒L
Posting Time: Nov 03, 2024, 07:24 AM #
我性別係攻擊直升機
Posting Time: Nov 03, 2024, 07:28 AM #
個人認為後生有呢啲病都係因為抑鬱或者唔開心先至會累積到出嚟 我家人都係因為唔開心抑鬱，所以積到有cancer
Posting Time: Nov 03, 2024, 08:12 AM #
其實我都幾鍾意煙花節，琴晚去咗屋企附近個公園睇完煙花之後，旁邊就同倫敦嗰個winter Wonderland一樣，起咗好多臨時機動遊樂設施， 去完之後真心覺得可以慳返錢冬天唔使特登出倫敦仲要俾入場費入，我呢度都唔差，反正都係嗰啲嘢，我又唔玩機動遊戲都係得個睇。 應該都係類似嗰啲嘢，反正嚟嚟去去都係用貨車運嗰啲臨時機動遊戲㗎啦。 
Posting Time: Nov 03, 2024, 08:14 AM #
然後都好鍾意煙花節期間喺屋企，或者一行落街就可以隨時聽到放煙花嘅聲，一行落街就見到啲人周圍放煙花，好有氣氛。似乎仲好過香港嗰啲乜鬼嘢每個月放一次，今年唔同嘅係而家我自己都學識咗放煙花，唔使羨慕人哋，只要係合法時間內可以自己放 今年又學多咗一樣學業以外嘅嘢，踩單車，學車，放煙花，人際關係，仲有好多好多
Posting Time: Nov 03, 2024, 08:20 AM #
好想訪問吓，對於呢個世界同樂觀嘅人係點…
Posting Time: Nov 04, 2024, 08:36 AM #
一個禮拜之前話想食壽司嘅任務，終於完成
Posting Time: Nov 04, 2024, 08:54 AM #
所以目前計劃係聽朝9:00起身，10:00返學，返到下晝三點坐火車入lewes，第一次睇lewes bornfire ，希望睇完之後我可以返到屋企，唔使瞓街
Posting Time: Nov 04, 2024, 08:58 AM #
如果我今晚再自己放煙花嘅話，我打算放架無人機喺隔離影住D煙花，防止好似上次咁影唔切
Posting Time: Nov 05, 2024, 03:00 PM #
我放棄，頂唔順走咗，都幾失望，太攰 估計我聽日又會抌啲相上IG扮晒嘢，記得千祈唔好信，我好撚後悔，攰到仆街，浪費人生時間罰企吹風，聽日仲要返學。
Posting Time: Nov 07, 2024, 09:15 PM #
「永遠有樂園還未逛 永遠有夢要想 新一章 故事就要翻開到未來」
Posting Time: Nov 08, 2024, 07:35 AM #
emo 本週廢話：
Posting Time: Nov 08, 2024, 07:45 AM #
呢排成日都話要去修咸頓食IKEA，已經差唔多兩年冇去，我覺得回程嘅時候去車站附近嘅KFC買個套餐，之後坐兩個鐘火車返屋企嘅途中望住過海食KFC真係好有feel。 但係我已經講咗幾個月，到今日都未實際行動，呢個週末亦都唔會行動，今個月都唔可能去，因為好快又要溫12月唯一一科實體考嘅考試。 其實我只係想抽一日俾自己去玩啫，真係咁難咩？真係時間好寶貴
Posting Time: Nov 08, 2024, 07:55 AM #
上年聖誕節同屋企人去咗捷克睇雪，但係家人唔得閒，今年我淨係plan得去直布羅陀兩日，勁抵玩英航機票唔使30磅， 但我火車飛都未買。 除此之外，我就乜嘢都冇plan到，其實我都好想搵個朋友可以同我一齊去歐洲玩，例如西班牙嗰啲，但係我真係冇乜識得足夠耐同埋熟嘅朋友，雖然我有兩個上海朋友，但係佢哋Visa問題去唔到歐洲 我喺學校都冇太多密友？就算我今年新認識嗰啲起碼都要出年聖誕先得啦，尤其是如果同異性，唔係男女朋友狀態嘅，直接約個異性去一齊住酒店又唔係咁好？ 唔係我接唔接受，我一定接受㗎，係人哋接唔接受呀嘛，就算我對自己控制能力有信心，但係咁樣問人哋都好kam 啦 總之我今年聖誕應該又留喺屋企孤單寂寞凍
Posting Time: Nov 08, 2024, 09:00 AM #
天黑Lu 都係返屋企先繼續講
Posting Time: Nov 09, 2024, 07:36 AM #
琴晚返到屋企之後唔知點解就唔想寫
Posting Time: Nov 09, 2024, 07:36 AM #
Posting Time: Nov 09, 2024, 08:06 AM #
唔係好理解，點解啲人鍾意傾電話，就算係幾親密嘅朋友打電話俾我，我都唔想聽…
Posting Time: Nov 09, 2024, 09:24 AM #
特價完之前再食一次 向死亡嘅路上奮勇前進🤝🏻
Posting Time: Nov 10, 2024, 05:14 PM #
🀄️🀄️🀄️ 人生需要休息 努力只會換嚟病歷 （仲會提早㖭） 開心啲好過
Posting Time: Nov 14, 2024, 04:49 AM #
繼續維持由小學開始已經嘅「每日放學後買零食一度行一度食住返屋企」嘅良好習慣 提高生活質素最好方法
Posting Time: Nov 14, 2024, 04:55 AM #
對於天竺鼠車車比 chiikawa取代感到傷心 天竺鼠車車應該更加容易滲透男性？
Posting Time: Nov 14, 2024, 06:28 AM #
個人認為天竺鼠車車比較可愛，但就已經過氣左咁樣
Posting Time: Nov 14, 2024, 08:30 PM #
「XXXX的人也是，看似很熱情 但冬天還是會覺得冷」
Posting Time: Nov 16, 2024, 01:33 PM #
是靚晚 必須承認too good to go 係我大佬, £5 有咁多，如果堂食起碼要£30啩。
Posting Time: Nov 18, 2024, 08:59 AM #
每次見到呢啲post我都會羨慕妒忌恨，我附近完全冇Tesco，冇Iceland 😭😭😭 （不過勁貴嗰間W超市就算，都買唔起㗎啦）
Posting Time: Nov 25, 2024, 06:55 AM #
「大時代」最後一集話股票必勝法係及早離去 人生要「勝」都係好似有得推理 實際上同股票一樣充滿變數同風險 最後都係靠運氣。 咁人生嘅必勝法都係「及早離去」？ 🧠
Posting Time: Nov 25, 2024, 06:57 AM #
邊個呃我話到了大學之後一切都會好起來
Posting Time: Nov 28, 2024, 05:57 AM #
難做嘅話就唔好做😈
Posting Time: Nov 28, 2024, 06:43 AM #
真… 個人認為轉捩點係由游學修屌你老母之夜開始，當然佢講得好好，我到而家間唔中都有睇返，好舒壓。 但好多白癡紅唔起嘅二打六就想抄游學修周圍鬧人，尤其下圖呢個 viutv 藝人已經成為我最討厭嘅香港藝人，經常性喺threads刻意引起仇恨關注，散播歧視，仇恨性言論，唔睇清楚件事，以為自己好醒咁樣同周圍同人開戰， 以為自己真係一個好紅嘅藝人，好自大，眾人皆醉佢獨醒，講到就算鬧咗一啲人會損失一啲fans都唔緊要。 佢唔明白，游學修去到嗰個位，鬧人冇得罪太多網民係因為佢言之有理，游學修本來已經有一定嘅出名程度，所以先至講出嚟有人撐，同埋游學修直播入邊反駁嘅全部都係攻擊過佢嘅人。 就算佢成為Attention seeker，同我鬧半年之後，身為藝人嘅佢仍然係冇任何粉絲like threads post 突然出佢有幾失敗。 個Title就話唔係話仇女，但佢老味，成篇文都係帶風向仇女言論，並唔係以是論事
Posting Time: Nov 28, 2024, 09:33 AM #
早排收過自稱英國海關總署有Visa問題嘅電話，話揀1英文，2普通話，我直接撳咗2，真係有中國口音普通話嘅人聽，我問同志們KK園區嘅生活如何，佢直接cut咗我線🥲，明明我咁關心佢
Posting Time: Nov 29, 2024, 07:00 PM #
呢排好忙，所以好耐冇炒飯食，甚至冇認真煮飯，今日晏晝久違地炒飯食到而家都未食完。 落兩隻蛋，第一隻打得太大力，啲蛋白彈到周圍係，滴咗幾片大雞蛋殼落個鑊度，當係失敗😓
Posting Time: Nov 29, 2024, 07:00 PM #
本週深夜EMO (廢話）30/11
Posting Time: Nov 29, 2024, 07:11 PM #
講咗咁耐話想去修咸頓IKEA，去到而家呢個週末都未去。似乎會繼續拖落去
Posting Time: Nov 29, 2024, 07:41 PM #
早兩日半夜整嘅三文魚蛋三文治🤟 極度容易煮，而且幾好味
Posting Time: Nov 29, 2024, 07:49 PM #
對於早兩日收到pig gor喺香港寄過嚟嘅postcard ，好笑嘅係因為我哋兩個都唔喺香港生活， 所以呢張Postcard 嘅邏輯係：「一個走咗去英國嘅香港人，叫一個走咗去澳洲嘅香港人返香港旅行嘅時候寄香港嘅Postcard去英國，比英國嘅香港人」 🤟💀 有趣嘅喺，喺八月pig gor喺香港寄過嚟唔夠一兩個星期，佢返到澳洲之後，我就係英國寄咗兩張過去澳洲 ，空郵用咗一個禮拜就到，pig gor 喺香港寄過嚟坐船用咗三個月💀 有feel ! 幾enjoy 呢種 feel !💯
Posting Time: Nov 30, 2024, 10:41 AM #
本週ai焦慮1 我對上呢個禮拜完全冇返學到底做咗啲乜嘢呢? 溫書都係呢兩日先至真真正正開始,呢個禮拜頭幾日就喺度搞搵工,send email去返上次去career Fair有興趣嘅公司 然後我就完全陷入於ai焦慮,我每一日都有睇唔少關於ai嘅新聞,bloggers.幾日前就見到喺twitter上面有人話有間ai叫做csm 3D,可以幫我哋將圖片轉化為3d模型,之後再幫過3d模型加上動畫,例如行路. 聽到呢個消息之後好震驚,我下學期有一科就叫做3d模型及動畫,顧名思義就係教我哋去自己建立3d模型同埋加動畫,用係例如遊戲入面.所以我急不及待去試下到底ai而家有幾勁,我就求其upload咗幾張q版角色上去, 結果ai成效的確係幾唔錯,雖然有啲部位仲係整得唔係咁好,離遠睇已經唔覺, Ai會發展㗎嘛,長遠嚟講而家學好似冇意義? 本來揀依家啲科就係想逃避典型cs已經畀ai取代打code ,估唔到依家就算揀咗呢一科都係畀sora同埋3d模型ai取代到.. 攞命 所以我毫無經驗都已經上載到唔少嘅3d模型上sketchfab… 到底畀咁多錢讀大學同埋努力溫書係咪真有意義?
Posting Time: Nov 30, 2024, 10:47 AM #
本週ai焦慮2 今個星期亦都用github co pilot幫我用c++ (我完全冇學過亦都唔認識)幫我寫咗一個有700行代碼嘅小遊戲,而且運作得好好,我只係純粹落指令,講我想要啲乜嘢,ai 就已經好好地寫好呢個小遊戲出嚟,所以依家學coding 未必有意義. 整出嚟純粹只係想放想github,呃同啲公司吹水話我其實我都識c++,但實際上我就係乜都唔識, 而且由我兩年前foundation開始就已經有chatgpt,我啲功課多數都係由佢做,直至到十月嘅嗰份功課 gpt仍然好完美哋做好到,分數唔低,我相信自己做可能仲低分,起碼已知道ai係畀一個大學二年級嘅學生更加勁
Posting Time: Nov 30, 2024, 11:00 AM #
已經開始期待下個禮拜開幕嘅聖誕市集,我知其他地方已經開咗 :(
Posting Time: Nov 30, 2024, 11:13 AM #
其實我好想參加學校學會呢個24小時整遊戲挑戰活動，睇落好正，喺學校lecture入面生存24個鐘頭整同隊友一齊遊戲，根據佢個時間表夜晚十二點喺學校一齊食pizza,凌晨一點鐘喺課室睇戲,喺入面食早餐，好有一種大學生青春嘅感覺,搞到好想參加。 今年喺呢個星期六日舉行(即係今日同聽日),我下個星期二有考試,要溫書去唔到,另外一個問題就係我搵唔到朋友組隊去參加,因為唔係個個都識得整game,唔知邊個有興趣,所以希望今年同出年都可以繼續改善人際關係,睇下識唔識到同好,咁我係下年畢業之前12月就可以參加到咁有feel嘅活動。 雖然話今年game dev projrct 有一兩個groupmate 怪怪哋，已經有啲矛盾，但係我仍然我哋可以喺最尾嗰個project做得好好睇睇，合作愉快，有一種正面嘅關係，咁我就可以試探下有冇機會下年搵返佢哋一兩個同我一齊參加! :) 咁我地大學生涯更加完美,CV更加靚!
Posting Time: Nov 30, 2024, 05:17 PM #
ChatGPT 2歲生日快樂! 😈🤟30/11/2024
Posting Time: Nov 30, 2024, 08:30 PM #
的確🙂↕️ 香城映畫，試當真唔太算電影，但係都好明顯見到佢哋嘅努力 下個星期就要交 禮拜一要公開播 到時偷睇吓佢哋最後搞成點先🤓 
Posting Time: Nov 30, 2024, 08:32 PM #
多謝建議，不過我唔飲酒嘅 檸檬可樂就夠 小心身體🫡
Posting Time: Nov 30, 2024, 08:33 PM #
羊咩比人類可愛善良得多 起碼冇惡意
Posting Time: Nov 30, 2024, 08:36 PM #
左上：表演期間請關閉手提電話 （從來未見過有人唔開手提電話，尤其是到最後隻唐老鴨撞牆之後個個影）
Posting Time: Nov 30, 2024, 08:38 PM #
另外阿拉丁喺飛氈上俾返頂帽比唐老鴨嗰吓，每次都聽到唐老鴨答阿拉丁fuck you ! 
Posting Time: Nov 30, 2024, 08:41 PM #
去咗迪士尼咁多次，從來未食過火箭餐廳 驚食完油膩嘅肚痾浪費時間喺廁所😷
Posting Time: Nov 30, 2024, 08:44 PM #
我覺得而家仲學Excel 好多餘，AI好容易做到，唔相信到我哋出嚟做嘢嗰個年代仲要徒手打🫣，奈何啲學校課程唔改 (利申：星期二考試要徒手打類似嘅SQL數據庫🥲）
Posting Time: Nov 30, 2024, 09:06 PM #
大家唔好信佢！ 我左手寫字，所以係用右腦思維，一樣講求邏輯理性，從來都冇「勾起女性的興趣」 點解會有咁多人like信呢啲😧
Posting Time: Nov 30, 2024, 09:58 PM #
聖誕節後一切都會好起來的🙏
Posting Time: Nov 30, 2024, 10:10 PM #
我知道同人哋食飯一直玩手機好過份,如果有人一邊食飯同我講埋曬啲好難聽嘅嘢,我會毫不猶豫地玩手機表達我嘅不滿
Posting Time: Dec 04, 2024, 12:59 PM #
YouTube music Recap話我係EMO「詩人」？？？ 勇敢探尋內心感受又幾🀄️ Spotify 份recap唔準，冇好多歌😒
Posting Time: Dec 04, 2024, 07:38 PM #
🙂↕️ 咁多年個教育制度都唔改，仲要啲學生跳樓完全唔使負責任
Posting Time: Dec 05, 2024, 09:53 AM #
打卡 05/12/2024 17:54 等緊直播,睇下AI點樣取代我 https://www.youtube.com/watch?app=desktop&v=rsFHqpN2bCM o1 pro!!!
Posting Time: Dec 05, 2024, 09:40 PM #
諗住一陣落樓下食M記早餐🤡 , 飲水健康好🥵
Posting Time: Dec 05, 2024, 10:11 PM #
永遠都唔能夠理解點解又話耶穌會寬恕世人，但係又喺挪亞方舟故事入邊浸死晒地球所有人💀片甲不留。 仲要濫殺無辜，假設所有人類真係有犯大錯，咁點解啲動物都要一齊死？剩返小部份有上船嘅動物冇死到，大部份完全無辜嘅動物都死晒。 而家再大肆宣揚自己冇寬恕人嘅故事，再喺馬灣起個主題公園，真正實現喪事當喜事搞。 imagine 幫同時都係死咗好多人嘅911起返一個一模一樣嘅copy ，再整做開心嘅主題樂園💀
Posting Time: Dec 09, 2024, 10:58 PM #
承上題 女仔會特別鍾意有大志嘅男仔？ 經歷一大輪覺得而家社會環境無論人幾有希望，到頭來都好難實現，現實係痛苦嘅，甚至冇人願意畀一個機會年青人，努力完都大機會冇用，導致咁多人躺平/繭居/chill guy。 呢個年代唔討論性別，要求人充滿大志似乎非常困難，更何況期望越大失望越大，雖然一齊追夢聽落好似幾好，只怕夢想中嘅未來美好生活到頭來只係吹大咗。 雖然有預設答案，但我仍然好奇結果
Posting Time: Dec 11, 2024, 01:05 PM #
尋日chatgpt個更新真係好勁，可以喺上面直接跑python，變相我依家可以叫gpt直接用python去整流程圖png，勁方便。 呢幾日AI發展得好快,基本上就係我越遲做一份功課就越容易做，做得越快，準確率越高。 呢份功課我本來上星期做咗一次，個圖搞到我好辛苦仲要好樣衰，結過而家直接gpt整出嚟方便快捷，又整齊，或者做deadline fighter都未必係壞事。
Posting Time: Dec 11, 2024, 02:49 PM #
真，我覺得依家唔係淨係香港，覺得係成個世界經濟都唔好
Posting Time: Dec 14, 2024, 09:05 AM #
好撚討厭倫敦 琴日一去到倫敦喺Liverpool street 出邊出面一出火車站直接俾個黑鬼N衝撞，揰完我前邊嗰兩個之後唔減速沖埋嚟，撞9我，又係你班死黑鬼🤬 D巴士好唔可靠，本來今日時間已經唔多，買咗返火車飛要17:00到Victoria 坐火車，14:00諗住坐巴士去特拉法加廣場行吓聖誕市集算數，搦住行李唔想抬落樓梯落tube ，點知去到巴士站因為前面嗰五個仆街平排行搞到追唔到！浪費咗10幾分鐘。 坐半個鐘26到咗之後，市集人到多到仆街，根本行唔到入去，求其影兩張相想走。 諗住坐返24出車站，因為1.5h內都係任坐，咁啱見到有車，一上到去個司機就話淨係開到下嗰站，叫我等下一架，屌佢無論係Google定TFL個app都係唔準，一直話2分鐘，罰企左30分鐘都冇車，後來仲要成堆人着聖誕老人衫踩單車霸住條馬路，根本冇任何一架巴士出現。 結果火車開車前半個鐘，唯有由達拉法加廣場拖住個篋人多擠迫跑落山到最近district line站，要我抬行李跑樓梯之餘又額外比多£2.7，差啲追唔到火車。攰到仆街！
Posting Time: Dec 14, 2024, 09:19 AM #
不過你仍然會喺IG見到我post出嚟好似好 chill 咁，我不知我想佢哋死開比架巴士過嚟
Posting Time: Dec 16, 2024, 12:55 PM #
本週深夜EMO (廢話）16/12 emo
Posting Time: Dec 16, 2024, 12:57 PM #
顯然AI可以取代作家去寫唔同嘅虛構作品， 但係AI永遠都唔可能寫得出回憶錄， 人生經歷只能夠喺自己嘅。 所以寫作仍然有意義
Posting Time: Dec 16, 2024, 01:37 PM #
「真正的強大，不是征服到多大，而是承受到多大」
Posting Time: Dec 16, 2024, 01:40 PM #
「沒有甚麼能天長地久，反而遺憾才能刻骨銘心」
Posting Time: Dec 16, 2024, 02:03 PM #
周海媚呢首歌啲歌詞寫得幾好： 「無愧於心多少關一手去破 吃苦中苦訓練我，如倔強中灑過淚為救火 無愧於天，盡了力到底為何 曾帶笑誠實活過，任結果判斷我」 好🀄️， 盡了力到底為何？只要無愧於天，帶笑誠實活過就夠，結果會判斷自己 https://youtu.be/QtGAyK3Hsnk?si=niRJg6eiJs_aEvfC
Posting Time: Dec 17, 2024, 06:07 AM #
久違見到赤木信夫喺threads出現，感動🥹 好多人like ，但應該冇乜人知張圖來自邊套戲。 已經鍾意アキバレンジャー 鍾意到連個導演都follow緊我threads😜 痛さは強さ！ 非公認戦隊アキバレンジャー
Posting Time: Dec 17, 2024, 10:14 PM #
根本就唔需要認真睇我啲廢文，我啲文筆好差🥹🫂，只係記錄低思考過程，你睇到落嚟最低已經獨一無二，多謝你D like，只能講畀人認同嘅感覺係非常好同興奮 ( ˶ˆᗜˆ˵ ) | 稍為離題係講，我好鍾意一年前threads呢種直接deeptalk用價值觀識人嘅感覺，無論男女，比嗰種目的性強嘅hi be friend好得多 好老實，最近stalk一位同學嘅threads，淨係覆啲女仔post R水吹，你咁講令我證明到用呢種方法識任何人包括異性，比佢嘅方法有用🤣🙈
Posting Time: Dec 17, 2024, 10:44 PM #
夠鐘落去食m記早餐!
Posting Time: Dec 18, 2024, 01:37 AM #
得兩個豬柳強😢 冇得一啖
Posting Time: Dec 18, 2024, 06:05 PM #
一啖mc嘰哩咕嚕！ 我一口氣食兩塊薯餅會肚痾
Posting Time: Dec 19, 2024, 03:46 AM #
忽然感覺到好可能出年會比今年過得更好，除咗搵工之外，一切都會更加好 似乎今年寫嘅大部份目標都起碼有一定進展，對比上年嘅我進步實在太多了
Posting Time: Dec 19, 2024, 03:47 AM #
Cls 我有個大陸同學去蘇格蘭玩，尋日去到第二日就已經坐錯巴士蕩失路最後要叫救護車車返酒店😬😬😬
Posting Time: Dec 22, 2024, 11:47 PM #
純粹記錄一下呢幾日去咗嘅地方: 1.Seaford海旁亂行睇海 2.冒着大風第一次去Woodingdean睇牛，竟然好容易就搵到牛，比我想像中容易好多，見到唔少未見過嘅牛品種，順便第一次路過Brighton 馬場，算係嚟咗Brighton 咁耐終於去晒大部份地區，因為以前唔知嗰度有乜嘢好睇，從來冇諗過入去。 3. 前晚冬至去海皮睇burning the clock巡遊煙花 4.尋日去舊鄰居屋企參加Christmas party 咁樣嘅聖誕節假期一啲都唔孤單寂寞凍囉 聖誕節之後要去嘅地方:修咸頓
Posting Time: Dec 22, 2024, 11:55 PM #
我個大陸朋友終於喺蘇格蘭玩完返嚟，佢呢排一定好唔開心囉，搵錯咗一個旅遊partner 。個旅遊partner book錯酒店不特止，最大癲直接上坐巴士帶埋我個大陸朋友去錯咗唔知邊度山旮旯，因為嗰度啲巴士好疏，一日先得一兩班，所以最後要報警搵救護車車返去， 最黐線係佢個partner咁搞唔夠幾日就直接放棄成個旅程中途退出直接自己走咗返屋企先，山長水遠去到嗰度玩兩日就走我覺得好白痴。 邏輯上你做好晒計劃，唔會容易放棄，除非本來就唔想去，但根本唔想去又點會嘥咁多錢去呢？  結果剩低個大陸同學一早俾晒錢book二人房酒店，但一個人住嘥咗好多錢，變相到頭來都係自己一個人去旅行，冇乜大問題，一個人去旅行未必比兩個人去更加好。 後來佢個旅遊partner話自己返嚟先之後就冇再覆過我同學message 。明明佢哋喺大學讀同一科有可能會再見，對我嚟講係好大粒花生… 所以依家知道坐英國救護車係唔使錢🤡 同埋搵合適嘅旅遊partner真好難。最緊要係有個partner有自己去旅行嘅能力唔使其他人照顧。
Posting Time: Dec 23, 2024, 12:00 AM #
原來佢個旅行partner會咁早退出，就係因為佢個partner根本未去過蘇格蘭，然後，就一味旨意我個大陸同學會帶佢玩結果佢自己完全冇plan做free Rider ，佢根本就冇計劃任何目的地，亦都冇任何諗法，所以覺得唔啱玩就直接自己退出先。 我學到嘅係，就算搵到完全冇意見嘅旅行partner都未必係好事
Posting Time: Dec 23, 2024, 07:14 AM #
經歷完今年生日人生高光時刻之後，覺得今年過得已經足夠好，對於今年聖誕節無慾無求，呢幾日用嚟整理吓6/7月日記回味下都唔錯。😎😜
Posting Time: Dec 23, 2024, 07:23 AM #
《幾年內人工智能嘅價格降到零，我依家應該做乜好？》 已經隔咗一排，我拖到而家先寫，我一直都有follow唔同大AI公司嘅一啲員工，見到Google Deep mind 其中一個成員，目前Lead product Google Al Studio 嘅Logan Kilpatrick  12月5號喺Twitter講話： 「如果你沒有為人工智慧的成本降至零做好準備，那麼接下來的3到5年將會對你的事業或生活帶來極大的衝擊。 這將是本十年剩餘時間裡的核心概念，請做好心理準備。」 https://x.com/officiallogank/status/1864508209769390238?s=46  呢個post下邊好多人認同，好多討論，而且呢個post亦都有2.6M view，足以證明呢個post到底有幾大影響力。 佢只係話AI嘅成本會降到零，但冇講任何直接影響，只係叫我哋提前準備，亦冇講點樣叫準備好。 我個人嘅理解係AI嘅成本會降去到零,即係話會比人類平，我個人嘅理解係 ai 嘅成本將會降去到零，好多工作唔需要咁多人，或者啲公司會優先考慮搵AI做
Posting Time: Dec 23, 2024, 07:34 AM #
對我嚟講係一個好嚴重嘅警告，我要點樣利用佢呢個建議去思考我嘅未來係一個好重大嘅問題。顯然以我依家嘅能力，作為一個AI使用者嘅並唔能夠去思考到呢個問題嘅答案。 但係的確佢呢篇文令我之前反思到到底繼續喺遊戲工作或者影片設計工作上邊讀書有冇用呢？畢竟都係只係喺呢一個月入邊，Google就分別地係影片同埋遊戲都出咗專用嘅AI 可以即時製作高質素遊戲或者影片，雖然AI生產遊戲仍然處於起步狀態。 佢呢一個Twitter post 亦都影響咗我寫上一個post我申請遊戲公司intern 被拒絕嘅內容，尤其是如果AI真係勁平而人手整一隻遊戲需要咁嘥錢嘅話，根本冇未來，佢叫我做好未來準備就係叫我唔好做呢類工作？ 唔做呢類工作又可以做啲乜嘢呢？目前係未諗到，與其而家努力讀咗一啲嘢，好快被AI取代，都仲有另一個出路，但未必係一條好嘅路，就係我直接呢幾年處於休息狀態，直到三年後大局已定嘅時候再睇吓仲有啲咩仍然需要我嘅？ 所以都想成功獲取到出年安枕無憂嘅placement year ，咁我就可以推遲一年畢業，推遲一年再諗呢個問題，到時大局會更加清楚
Posting Time: Dec 24, 2024, 05:42 PM #
唔明英國過聖誕節點約人， 火車全停唔開，舖頭連超市唔開，博物館都唔開，海皮好凍，想自己出街行都諗唔到去邊度。根本大家都只係留喺屋企宅，休息。 今晚同阿媽出去諗住散步行多次Christmas market，行到去先發現原來完咗，不留痕跡拆晒，冇諗過會放棄呢幾日唔開。🙂↕️
Posting Time: Dec 25, 2024, 06:52 PM #
純記錄毒L我今年嘅聖誕大餐： 煙三文魚（再炒吓）+菜+屋企種嘅蔥+蛋+豉油+烏冬+茶+蘋果🎄🎅 我的煮食日記 Ep.1（曲💩）
Posting Time: Dec 29, 2024, 08:39 AM #
馳車天地係我夠高坐司機位之前就已經拆咗，但塊地又唔起其他嘢，而且我唔多鍾意Marvel 5年前話之後每年迪士尼都有新嘢開，唔覺佢而家有乜起緊🫠 第三期填海似乎已經取消，第二期都冇太大希望😢
Posting Time: Dec 29, 2024, 08:07 PM #
當初仲期待2019年尾買一年變三年嘅銀卡可以捱到魔雪奇緣開😭😭
Posting Time: Dec 31, 2024, 12:21 AM #
回顧我嘅2024目標: -學車✅ （理論試合格，揸咗40個鐘頭，順便學單車，電動滑板車） -去醫院做全面身體檢查 🙂↔️ （淨係驗眼，驗尿，驗血已放棄） -全部考試合格😓 （12月考嘅要一月先出成績） -可以沉一次船 （🫥🫥🫥） -放鬆身心 ,畀少啲壓力自己 🙅🏻♂️ （下半年開學又話要搵工瘋狂reject ，問題天天都多） -2024下半年完全唔再諗起中學嘅事 ✅ （已經寫晒中學嘅回憶錄） -改善人際關係✅ （下半年開始識人終於順利好多，今年生日係人生最好嘅一次，對比上年好得多） - 外向少少 稍為識打扮 （唔覺有做到🤷🏻♂️） -多啲依賴ai幫我做嘢✅ （每日都用） -改善英文 ✅ （起碼講多咗，練多咗，而且人哋明） 結論：算係咁啦 2024-12-31 08:10 寫嘅
Posting Time: Dec 31, 2024, 12:53 AM #
2025目標: -考車合格 -遲來的中學畢業旅行？ -唔好失去朋友就夠 -完成未完成嘅2024目標 -年尾覺得2025過得充實 好奇一年後人際關係會點？最成功係乜嘢？ ⏱️2024-12-31 08:50
Posting Time: Dec 31, 2024, 01:25 AM #
參考(抄考🫢），我覺得求其都得，發現打扮差少少似乎唔會影響人哋對你嘅觀感，尤其是係價值觀交友。仲可以令MK仔女主動避開。 沉船就慢慢嚟啦，唔急，我依家最需要係時間，上年我平均真正信任一個人嘅時間係半年，我亦都要等人慢慢真正認識我再信任我。 理想係慢慢互相認識價值觀，信任再拍拖，之後瘋狂純愛，而且大家都清楚鬧交/冷戰唔可以解決問題，一feel唔妥即刻用真心話講出嚟溝通解決，咁就可以長久。 （A0妄想） 最尾嗰句咁認真，唔知點覆好 🫂💝 （其實係第一次有女仔send心心過嚟💀，唔識處理）
Posting Time: Dec 31, 2024, 02:28 AM #
😨睇唔出係E人，我依家threads emo一出完之後即刻加入典藏，過幾個禮拜先放返出嚟，除非啲人stalk我，如果唔係大家睇唔到我emo
Posting Time: Jan 01, 2025, 07:45 PM #
emo 好羨慕d女仔可以三五個一齊出去玩/旅行，每次見IG story 都hurt左。 上年Summer School成功混入班新加坡女仔出去玩，體驗到原來D女仔約出街係點，好包容，氣氛好好，例如休閒吃蛋糕一齊露營，我正正渴望咁嘅友誼，活動。只可惜本來就只有一個月機會玩，返到嚟又變返冇朋友咁樣玩。 可惜印象中對男仔埋堆冇好印象，先唔計中學男校埋堆只會被出賣，就只有隊草賭博八公MK仔堆，或者似我大學同科同學一樣唔識做嘅宅毒L（唔埋堆）。 似乎唔係社交能力改善可以解決到，我唔想MK，賭博。2025年可唔可以比我入到啱Key3-5人堆，一齊去旅行/玩😭😭🙏🙏
Posting Time: Jan 04, 2025, 03:54 PM #
Brighton淨係落雨😭
Posting Time: Jan 04, 2025, 08:18 PM #
本週深夜EMO (廢話）05/01/2025
Posting Time: Jan 04, 2025, 08:23 PM #
大家都係Threads上面講話落大雪好開心，連倫敦都有，但係我呢度一滴雪都冇，淨係落雨，到底係好事定壞事？
Posting Time: Jan 04, 2025, 08:26 PM #
尋日落去買m記早餐食勁傷心，裝咖啡嗰個杯油膠蓋變咗做紙蓋，比環保L入侵咗，個紙杯蓋好難用，飲嘢嗰個窿窿淋嘅！
Posting Time: Jan 04, 2025, 09:11 PM #
女權主義者諗太多，個人認為只係四個字 「養兒防老」🤡 無論係我阿爺定我老竇兩個仆街都係咁。 我阿爺生咗10幾個： 1.有幾個出世得一兩歲/幾個月大就死咗 （罔顧生命，唔知有冇去醫院） 2.唔做嘢，做（害）死我阿嫲，好後生就死，唔敢想像佢身體有幾辛苦 3.除咗佢鹹濕之外，就為咗佢防老，生咁多個總會有一個未死既傻仔願意同佢住照顧佢，唔使入老人院，無憂地迫害老婆，再將照顧仔女同家務嘅責任交到大女身上。 最後我阿爺嘅計劃成功，我老竇就係嗰個傻仔 幾年前問阿媽，點解要生我？ 除咗阿媽自己原因之外，我老竇說服佢嘅原因係老咗之後有人照顧，同埋話想俾阿爺抱孫。但冇提及例如鍾意小朋友。 合理懷疑我老竇錯誤以為「養兒防老」真係work就照抄。一樣唔照顧仔女。 可惜我唔會俾我老竇嘅計劃得逞✅，世襲嘅歪理就由我終止。💁🏻♂️ 一家之主嘅獨裁者去死
Posting Time: Jan 05, 2025, 09:09 AM #
喺度記低我最鍾意叫人要誠實有關嘅歌嘅歌詞。 1.無愧於心-周海媚 「無愧於天，盡了力到底為何，曾帶笑誠實活過，任結果判斷我」 2.年少無知-林保怡 ·陳豪 ·黃德斌 「如果活著能坦白，舊日所相信價值不必接受時代的糟蹋」 3.最幸福的事-鍾嘉欣 「最著緊的事已經錯過無限次，請讓我將心中句子，認真講你知」 由此可見，誠實將心入邊嘅說話講出嚟嘅好處。
Posting Time: Jan 05, 2025, 09:09 AM #
喺度記低我最鍾意叫人要誠實有關嘅歌嘅歌詞。 1.無愧於心-周海媚 「無愧於天，盡了力到底為何，曾帶笑誠實活過，任結果判斷我」 2.年少無知-林保怡 ·陳豪 ·黃德斌 「如果活著能坦白，舊日所相信價值不必接受時代的糟蹋」 3.最幸福的事-鍾嘉欣 「最著緊的事已經錯過無限次，請讓我將心中句子，認真講你知」 由此可見，誠實將心入邊嘅說話講出嚟嘅好處。
Posting Time: Jan 15, 2025, 02:16 AM #
諗緊幾時自己煮煲仔飯食，喺香港都好少食煲仔飯。 呢排有人提醒我飯仲有呢種煮法，我先至醒起，咦係喎！ 諗緊今日午餐煮豉油烏冬
Posting Time: Jan 15, 2025, 08:28 PM #
前鄰居整咗好多小食,有薯片同埋特別嘅英國聖誕茶。佢問我哋飲乜,有可樂同茶,我梗係揀茶啦,睇下本地啲茶係點。佢個女仲帶咗幾個朋友嚟,整咗啲三文魚餅,親手遞畀我哋每個人食,我本身就鍾意食三文魚所以好啱我心水。但係佢哋整嘅嘢好多都有芝士,而我食完會胃痛屙屎,所以冇食到。 最後我哋傾咗大約兩個鐘就走,我社交能量有限,加上嗰日仲有嘢做,冇留到夜晚。 事後我阿媽終於認同我英文同社交能力。再次證明我由去年年尾開始練習嘅社交技巧有進步。試咗幾次失敗之後,而家終於識點同人溝通。最失敗就係2024年頭識嗰個烏克蘭女仔,嗰次失敗之後真係諗咗好多嘢,仲喺度寫咗篇文。而家經過失敗之後就越嚟越好。感覺2024下半年嘅我已經可以同學校以外嘅人做朋友同傾偈,覺得自己人際關係真係進步咗好多,同本地人傾計都冇咩問題。
Posting Time: Jan 15, 2025, 08:28 PM #
特別係啲硬碟咁嘅嘢冇咗就冇咗。但係因為我哋嗰日全部都喺屋企,所以冇咩事。 我終於見到最大可能係嗰日亂開水喉嘅隻貓,輕輕摸咗下佢個背脊,係隻白色貓仔,幾得意嘅,但係搞出咁大件事。 傾緊陣間又有幾個完全唔識嘅鄰居朋友入咗嚟一齊玩,又要再自我介紹,我就簡單講下以前嘅嘢。我亂噏就提到自己讀過foundation,咁啱同我講嘢嗰個人係喺study group做。佢直程問我係咪讀study group,我話係,佢就問我覺得點。我忍咗咁耐梗係話唔開心啦,成個foundation無啦啦俾咗個警告我又覺得自己冇錯,即刻搵佢發洩講咗成廿分鐘佢哋有咩問題。講埋佢哋啲計劃幾痴線,明明實體返學要喺課室上zoom老師又喺蘇格蘭。佢聽完都覺得無啦啦攞警告好冤枉,仲問我點解會揀brighton,我就話為咗讀書。 啱啱聖誕派對前兩日係呢度嘅冬至活動,海邊放煙花仲有全城巡遊,但係啲本地人竟然唔知,佢哋話下年會去睇。
Posting Time: Jan 15, 2025, 08:28 PM #
2024年1月初,搞到我哋屋企水浸嗰位前鄰居,喺2024年聖誕節請我去佢屋企參加聖誕派對。佢講佢過去30年年年都會擺聖誕派對,邀請啲人隨時嚟隨時走,同完全唔識嘅人傾兩句。但係我哋2023年聖誕節未搬走之前,佢都冇請我哋,反而係因為水浸事件之後我哋加咗聯絡方式先請到我哋,仲話好對唔住。難得佢請我哋,梗係去啦,都未試過睇吓啲本地人係點過聖誕節。 去到佢哋屋企先發現,原來佢哋都幾輕鬆,純粹當係同人傾計。開頭就自我介紹,講自己叫咩名咁。跟住就當係普通閒聊,講下自己讀邊間大學,讀咩做咩咁,譬如我就講自己前兩日先考完SQL。跟住我無啦啦轉咗話題,因為我好好奇,就俾佢哋睇市中心外面主要條街嗰個好似納粹嘅聖誕燈飾相。佢哋睇完之後同我諗法一樣,話如果平時冇人咁講都覺得冇事,但一講就覺得好得人驚。搞到我覺得幾好笑,原來啲本地人都係咁諗。 點知我哋前鄰居搞到我哋水浸嘅經過,乜都同晒啲朋友講,睇得出佢真係好難過。佢啲朋友都問我哋後尾點,佢仲記得清清楚楚係2024年1月幾號發生,我哋就乜都唔記得。雖然佢整到我哋水浸,但我哋都冇嬲過佢,反而一齊鬧管理處班人冇用,先搞到咁大件事。佢又再問我哋有冇好多嘢整壞咗,
Posting Time: Jan 18, 2025, 10:33 PM #
最近發現原來github 都有好多免費書可以睇，睇咗幾本了，尤其是有對於點樣處理人際關係，好適合半夜三間/坐火車嘅時候睇
Posting Time: Jan 18, 2025, 10:34 PM #
睇書方面，我比較鍾意一啲睇完之後再需要讀者自己反思嘅書，而唔係一啲直接教你應該要點樣做嘅書，尤其是勁唔鍾意睇高高在上指點你嗰種
Posting Time: Jan 23, 2025, 05:28 PM #
顯然2025目標已經失敗一個
Posting Time: Jan 23, 2025, 08:11 PM #
蘑菇=真菌, 細菌=毒, 所以蘑菇飯=毒飯
Posting Time: Jan 28, 2025, 04:18 AM #
「把孩子在成長中對自己權利的爭取，定義成叛逆」
Posting Time: Jan 28, 2025, 05:06 AM #
emo Year2 第二學期開Sem頭三日嘅EMO 已經發生咗好多嘢好多嘢，想記錄低 （今日係第二日 我寫完之後就會即刻典藏，過幾日先拎返出嚟，等大家唔會受到滋擾
Posting Time: Jan 28, 2025, 05:07 AM #
依家坐緊火車返學，今日係呢個學期第二個上課日，但係我琴日直接逃學無返
Posting Time: Jan 31, 2025, 05:30 PM #
所以恃老賣老嘅人，只係壞人變老了，而唔係老人變壞，留名等睇N年後佢恃老賣老 （其實我都好想要免費迪士尼入場券🤡🤡🤡）
Posting Time: Feb 02, 2025, 06:56 AM #
啱啱入咗麥記想食支甜筒啦，然後發現竟然冇甜筒賣，得麥旋風😭😭😭 咁我唔食了
Posting Time: Feb 02, 2025, 05:05 PM #
麥旋風搞環保轉紙匙羹之後唔好食，食食吓支匙羹淋晒要咬住張紙 甜筒有個餅咬唔使食紙，贏晒 仲要依家麥旋風都唔旋…
Posting Time: Feb 21, 2025, 08:08 AM #
我已經痴線到想開個網站瘋狂Emo 買唔買好，揀邊個好？🤔 9.3hkd一年 dunddemo.online dunddemo.site
Posting Time: Feb 22, 2025, 08:08 AM #
在2024年11月的時候，我收到學校學生會的一封信。他就說我們學生會在招募神秘顧客的人來申請去學生會經營的店舖譬如餐廳或者雜貨店或者學校紀念品店做神秘顧客。會給一些問題，然後你去回答。可以在那店鋪東西，評分。最後他會給你最高10磅的補貼錢。譬如你買8磅的東西，他會給你8磅，但是你買12磅的東西，他就給你10磅補貼。 雖然我經常都有申請這些活動，譬如抽獎我都會申請的。他現在免費送我10磅，當省點學費也好怎樣也好。他抽不抽中我就再說，我不理。本來也沒想過會怎樣有什麼後續，都是失敗告終，譬如申請工作全部都是拒絕的啦。 沒想到2月頭的時候竟然找我send一封email過來。他說終於輪到我，恭喜我被抽中了，然後他想我去位於學校student center隔離門口那間學生會紀念品店去做神秘顧客。然後那間店通常是賣一些學校的紀念品，例如一些杯子啊、明信片啊、印有學校Logo的衣服那些，或者充滿學校特色的衣服，還有一些巧克力、手帶或者頸巾。然後他叫我過去那一間，他說如果你不想去那一間也不要緊，可以給我餐廳券，給我學校經營的餐廳的券給我。
Posting Time: Feb 22, 2025, 08:10 AM #
我最後決定買一下學校的紀念品也好，也沒有買過。那他現在送10鎊給我。他就跟我說Deadline就是2月20號，然後叫我收到那個電郵第二天之前的8點鐘就回覆他。那我當然馬上回覆了，然後因為我這陣子都很忙，他發了一封信給我是在我考車之前。幸好他說最遲光顧日期是2月20號，所以我可以在我考完車之後才去。 我在早兩天就去了。我進去之後就買了一隻六磅的杯子，一個印有學校Logo和學校建築物的杯子，還有一張明信片。今天最後買單就八十多塊，即是8磅幾。雖然他給10磅我，而我著他無買到衫，因為我覺得他們的衣服款式不太好看，上面印著學校的標誌，感覺就像是在免費幫學校做廣告一樣，這讓我覺得有點不太妥當。 不過，他們店內的服務態度真的很好。一進門，他們馬上熱情地跟我打招呼說「Hello」，即使他們可能不確定我是不是顧客，也仍然保持禮貌。最後我向他們索取帳單，他把帳單遞給我後，我跟他說了聲「謝謝」，便離開了。 接著，我把帳單上傳，開始填寫一些問題，例如詢問某件衣服是否有現貨，這些內容我大多隨便填寫。完成後，我又寫了一封信告訴他們我已經填好了表格，最後他們就把錢給我了。
Posting Time: Feb 22, 2025, 08:11 AM #
很有趣的體驗，我從來沒有做過神秘顧客，覺得值得在這裏一提。 我故意裝得跟普通一樣，雖然它有文件要我填，譬如衣服有沒有貨。理論上我是應該在進去時按著手機對著它的問題，然後回答它。但我覺得這樣太顯眼，所以我決定不理它。我進去後好像很快買完離開的人不算數，然後出去亂填文件。
Posting Time: Feb 22, 2025, 09:18 AM #
2025年新年-3 最可惜的是我姐姐她成功放到仙女棒，但我放不到，那些仙女棒已經放在家裡一年多，是2023年的煙花節買的，可能已經潮濕了，放不到。亦可能因為那天太大風，都可能是打火機它沒什麼燃料。總之我就玩不到，好像有點出師不利。2025年好像有點不祥預感的感覺。 無論如何，那一刻都是開心的。而就和我2024年一樣，我2024年為了迎接2024年，我就放了仙女棒。但是2025年其實我是沒有放的，但我仍然是很開心我是去海邊的。純粹想記錄一下每一年我怎樣慶祝新年而已。
Posting Time: Feb 22, 2025, 09:18 AM #
2025年新年-2 煙花距離我們市民是非常接近的。因為大家平民自己放的，沒封鎖線圍著， 但我們並沒有在這個沙灘玩煙花，我們想看別人放多一點。而看別人放煙花是因為我們自己放一個煙花太貴，而它免費的時候為何我們不看多一點呢？而如果我們自己玩Sparker的話，可以任何時候玩都可以，想感受一下氣氛。 有時我站在最前的位置，其他人不敢靠太近煙花，但我自己真的有放過煙花，我覺得還好。 2024年的11月，我第一次在人生玩煙花。我記得我有出一個帖文，我點了兩次煙花，是一桶十二發的煙花，也是我2024年達成的不算是目標，但體驗的東西。2024年體驗過最獨特最嶄新的東西之一。 大約十二時半，大家都不放煙花，因為煙花很貴。所以和大家嘻嘻哈哈便回家，因為有點冷又大風。然後走到家附近，因為我本來帶了一些仙女棒出來打算玩的，但太大風，本來也不適合我們自己在碼頭放。
Posting Time: Feb 22, 2025, 09:18 AM #
2025年新年-1 今年踏入2025年的時候，雖然我一直都沒有發帖，只是在拖延，我和家人在12月31日，2024年夜晚凌晨的時候，因為我姐姐下來找我和我們一起，所以我們三人一起去了碼頭看煙花。 以前我們只會留在家中的露台放一放仙女棒煙花。但是今年我們就不同了。今年我們去了海邊，雖然沒有官方煙花活動，但有很多人會在海邊放煙花。於是我們在凌晨時走了出去，打算和大家一起倒數。 我們大約11時半可以出發，發現所有人都在走去碼頭，的確是很多人的。然後出到碼頭，抵達海邊過馬路時，那裏是很大風的，是好像8號風球般大風，吹到很大風。而我們是沒有想過那裏是這麼大風的。 起碼有數千人。然後我們那天玩得很開心，大家一起倒數，然後我又錄了很多片，大家一起拍照，一到新年之後大家一起放煙花。不過比較好笑，因為那裏太大風，就算大家放煙花，很多煙花都吹歪了。一點完火後，吹熄了所以不亮燈，然後變了啞蛋。 我可以看見整條海濱都在放煙花，
Posting Time: Feb 23, 2025, 08:24 AM #
日記-08/02/2025-6 另外，有一位同學也回覆我，他說：「其實最好的作弊方法就是用你自己的腦袋。只要多讀書、多練習，自然就能記住內容，這是最便宜、無限次使用的方式。」 理論上來說，他說得沒錯。而且他這則留言也獲得了和我一樣多的點讚——同樣是六個。不過，我心裡還是有點不同的看法。如果人類真的只要多讀書、多訓練就能勝過 AI，那麼幾年前的圍棋挑戰賽上，人類又怎麼會輸給電腦呢？那位世界冠軍難道還讀得不夠多嗎？
Posting Time: Feb 23, 2025, 08:24 AM #
日記-08/02/2025-5 這次經驗讓我意識到，未來老師即使斷網，也無法完全防止學生使用這類工具。 有趣的是，在 Discord 上，有同學回覆我，沒想到這個頻道竟然有人討論，因為平時這裡很少人發言。同學更提議說，如果能把學校所有的電腦連接起來，就可以運行完整版本的 DeepSeekR1，也就是 671B 的大型版本。不過我回覆他，其實根本不需要這麼麻煩，只要使用一台學校的電腦就足夠了。透過開啟虛擬記憶卡，雖然會導致系統負荷過重，但仍然可以同時使用學校的 SSD 和 HDD，理論上就能在單一電腦上順利運行。 沒想到，這時候 Discord 群組的管理員竟然對我的留言做出特別的反應。他給了我一個從未見過的動畫特效，看起來像是我成為第一個獲得這個效果的人。這個動畫是一個超無奈表情的 Emoji，當其他人打開我的留言時，這個 Emoji 會突然跳出來，配上那種無奈的神情，真的讓我笑翻了。 之後，我又和大家討論到，這個技術在考試作弊上的潛在用途。一些同學回應了我，有人用了帶哭臉的 Emoji，還有人問：「我們有 lab 考試嗎？」原來那位同學是大一新生，還不知道這件事。
Posting Time: Feb 23, 2025, 08:24 AM #
日記-08/02/2025-4 我發現 AI 真是強大，電腦居然可以在完全不連網的情況下，只需使用約 1GB 大小的模型，就能產生很多正確的答案，不再需要上網搜尋資料，就能獲取大量來自世界各地的資訊。 這個技術的最大用途之一，就是在一些特定場景下提供便利。例如，去年 1 月我參加 Database 考試時，老師為了防止我們作弊，特意在考試期間將所有電腦斷網，讓我們只能使用他們提供的 cheatsheet 查閱資料。但現在有了這種本地運行的大型模型，性能又不錯，即使在老師斷網的情況下，學生仍然可以查詢資料，老師根本不會發現。 尤其是編寫程式碼這類事情，是否連網對模型的輸出結果其實影響不大，因為程式設計的知識並不需要即時或最新的資訊。很多 AI 在訓練時，已經特別針對程式語言進行強化，因此這並不會成為問題。像是 Database 這些基礎內容，或是撰寫 SQL，應該都難不倒它。
Posting Time: Feb 23, 2025, 08:24 AM #
日記-08/02/2025-3 這意味著，只要我隨時連接至學校電腦，無論身處何地，都能免費、不受限制地使用DeepSeekR1的Thinking模式。相比每月需支付20英鎊訂閱OpenAI服務，這樣的方式無疑更具吸引力。透過學校的電腦資源，我等於省下這筆費用，某種程度上也能視為學費的補貼。 這次經歷再次證明了我對機械學習的濃厚興趣和實踐能力。去年四月，我曾獲得學校機械學習比賽的「最有創意獎」，這次成功運行DeepSeekR1的經歷，更加鞏固了我在這個領域的實力。 值得一提的是，學校今年似乎未舉辦類似的機械學習比賽。我猜測可能是因為去年我使用ChatGPT等工具輕鬆完成比賽，讓比賽失去原本的挑戰性，因而停辦。不過，能在學校的電腦上成功運行R1，對我而言仍是一項重要成就。 當我成功後，有點意外，似乎在學校裡沒有人試過這樣做。我原本以為 DeepSeekR1 很有名，應該早有人在學校的電腦上運行過。當我把這個消息上傳到學校群組的 Discord 技術頻道，並表示我成功在學校電腦上運行時，竟然收到了六個回覆，這反應比我想像中還要熱烈。
Posting Time: Feb 23, 2025, 08:24 AM #
日記-08/02/2025-2 隨著DeepSeek的知名度不斷提升，儘管其在政治議題上的敏感性受到批評，但網路上仍出現越來越多的教學資源，指導如何將該模型下載並運行於本地電腦。憑藉卓越的性能、免費開源且具備思考模式的特性，DeepSeek在本地運行時不受任何限制，自然廣受歡迎。 有一天，我觀看了一部教學影片，介紹如何在本地電腦上運行DeepSeekR1。隨後我按照步驟，成功在自己的電腦上跑起了DeepSeekR1的14B模型。然而，運行速度緩慢且耗電嚴重，電腦風扇散熱聲大作，讓我感到有些不安。 這時我想到，可以利用學校的電腦來運行DeepSeek。學校的電腦性能強勁，搭載RTX A4000顯示卡和第十二代i9處理器，雖然這些設備已有數年歷史，但相較於我自己的電腦仍強大數倍。 於是，我遠端連接至學校電腦，重新按照教學步驟進行操作。最終，我成功在學校電腦上安裝並運行DeepSeekR1的32B和14B模型。由於家中電腦顯示卡記憶體不足，無法運行32B模型，但學校的設備則毫無問題。運行32B模型時，Token輸出速度尚可，完全能接受，且R1的思維鏈功能表現優異，讓我相當滿意。
Posting Time: Feb 23, 2025, 08:24 AM #
日記-08/02/2025-1 2025年2月8日 在今年一月底至二月期間，中國的AI廠商DeepSeek因其全數免費開源的政策而聲名大噪。這款AI完全免費供大眾使用，但唯一的問題是當涉及政治問題時，系統反應顯得格外敏感。 我最喜歡DeepSeek的地方在於，它是首款免費開源、具備思考模式的AI，且能在本地安全運行，兼顧私隱保護。以往的免費開源AI，如Facebook推出的產品，雖然也開源，但並未具備「thinking」的過程。當時這類AI既未開源，也缺乏類似功能。 DeepSeek成為首個具備「thinking」模式的免費開源AI。同時期，市場上僅有OpenAI的O1提供思考功能，而O3min尚未問世。O1和O1-Mini的價格高昂，即便我能在GitHub Copilot上免費使用，但這些服務仍屬奢侈品且功能受限。 當我將DeepSeekR1部署到自己的電腦時，便可完全不受限額或容量問題的影響。運行在本地電腦上，隨時隨地自由使用，這點讓我十分滿意。因此，DeepSeek免費開放的政策令我感到非常開心。
Posting Time: Mar 10, 2025, 03:00 AM #
然後上海朋友問我夜晚去唔去佢屋企食嘢，我係末決定，因為我呢排都幾忙，不如早啲返屋企食少少嘢就瞓覺？
Posting Time: Mar 28, 2025, 05:28 AM #
宣布陳凱詠成功侵略我個Spotify介面
Posting Time: Mar 29, 2025, 07:16 PM #
突然間醒起上年12月我寄個幾張post Card好似一張都未到….wtf 四月都到啦🙂
Posting Time: Mar 31, 2025, 12:14 PM #
呢個星期之後一切都會好起來的🙂↕️
Posting Time: Apr 05, 2025, 02:58 AM #
「你流淚所以我流淚」🥲
Posting Time: Apr 12, 2025, 10:50 AM #
呢個comment下邊全部都係日記
Posting Time: Apr 12, 2025, 10:50 AM #
呢個comment下邊全部都係完結總結
Posting Time: Apr 12, 2025, 10:51 AM #
呢個comment下邊全部都係Y2統計數據
Posting Time: Apr 25, 2025, 11:57 AM #
行超市發現有隻酒牌子叫「鬼佬」CLS💀💀💀 個樽身印埋「鬼佬」嘅廣東話意思， 冇諗過咁種族主義嘅名都可以上架 仲係香港製造，下次帶袋買晒三款試吓
Posting Time: Apr 25, 2025, 03:05 PM #
我都唔知點解會上到架😂😂 我未飲過香港出產嘅酒，所以要試吓 （離港前未夠18歲）
Posting Time: Apr 25, 2025, 07:03 PM #
點解大家都去晒旅行㗎😭，IG見到有韓國，希臘，日本，馬來西亞，瑞士，法國 我喺屋企…
Posting Time: Apr 25, 2025, 07:07 PM #
今年我應該會比以前幾年去多啲地方，今年冇join summmer school,intern，有時間實現遲來嘅中學（冇）畢業旅行
Posting Time: Apr 26, 2025, 09:05 AM #
點解歐洲d兩星級酒店要$1000一晚😭
Posting Time: Apr 27, 2025, 10:34 AM #
買咗早兩日喺超市見到嗰隻香港嘅鬼佬酒，決定一度飲一路喺度emo發心瘋，因為我好少飲酒 純粹係紀錄
Posting Time: Apr 27, 2025, 10:41 AM #
一口氣買晒四款，依家一度睇日落一度飲，想講勁貴囉，一支30幾蚊港幣，貴過可樂好多，我平時都係鍾意飲可樂，
Posting Time: Apr 27, 2025, 10:42 AM #
以前對於飲酒嘅心態就係覺得冇乜用，貼錢買難受點解要搞到自己又暈又嘔，都係上年去完德國之後先開始飲酒，然後我對上一次飲酒就係上兩個星期去遊戲公司打工嘅時候佢雪櫃有一罐罐飲品可以任飲，然後唔小心攞錯以為係雜果賓治。飲咗嗰隻古巴酒 今次亦都係我嚟到英國之後第一次喺超市入邊買酒，以前一係就家人買，一係就落酒吧飲，而冇試過自己去超市買，上年德國就有去超市買
Posting Time: Apr 27, 2025, 10:44 AM #
發現英國啲酒貴過德國成三倍，德國可以$7一支呢度可以三十幾，所以四支嘢就嘥咗我接近$100 。 但係呢幾隻酒對我嚟講比較吸引嘅地方，就係我以前未飲過酸嘅酒，我鍾意食酸糖，越酸越好，但係酒我就真係未飲過酸嘅，當然苦嘅就有唔少又或者甜嘅蘋果酒，生果酒。 我發現佢呢三款入邊有兩款都係酸嘅，好好奇到底我會唔會鍾意 然後酒精濃度我諗住今日淨係開一支黃色呢隻session key lime pie sour檸檬味先，酒精濃度係3.4%對我嚟講唔算高，印象中我最高飲過3.6定唔知3.8 （目前為止，我人生飲酒嘅次數少於20次） 見佢有的士包裝嗰隻係五點幾%嘅酒精濃度，過幾個星期之後先至再飲啦，試吓呢隻3.4先
Posting Time: Apr 27, 2025, 10:47 AM #
突然間會想買酒除咗呢隻酒名非常之種族歧視好特別之外，我都從來未飲過香港出產嘅酒。有啲好奇。因為我都有特登飲過柏林生產嘅酒，亦都有喺酒吧度飲過我住咗幾年嘅Brighton呢度生產嘅酒，但係就未飲過香港嘅。要試吓。 另外就係話，雖然依家y2已經完咗，但係我仍然有好多傷心嘢，想一口氣爆曬出嚟。 有種刻板印象係啲人飲酒，純粹想好似吸毒咁樣避開世界嘅煩惱，我以前係有啲睇唔起，但係調返轉有人飲完酒之後會發癲亂噏廿四，所以我有啲好奇我可唔可以飲完酒之後等個人冇咁清醒，然後一口氣開語音輸入爆撚晒唔開心嘅嘢出嚟，等我過兩日可以開開心心去玩呢？ 成功嘅話以後可能都會飲少少酒，唔成功嘅話以後都係繼續抗拒飲酒算。 就係我想研究嘅嘢！ 不過我係絕對唔會令到自己飲到嘔，或者暈
Posting Time: Apr 27, 2025, 10:56 AM #
都唔錯喎（其實我唔識飲），幾香檸檬味，係有啲苦都，都幾多泡，如果可以少啲苦再酸多少少仲好，都幾鍾意佢隻酸，但係飲咗半杯已經即刻覺得啲酒精上咗腦，
Posting Time: Apr 27, 2025, 10:58 AM #
想自己一個人喺屋企飲酒，而唔想出街同人哋飲，因為唔想俾人灌同埋我酒量極其差（冇點樣飲過酒
Posting Time: Apr 28, 2025, 02:09 PM #
今日開咗第二支鬼佬酒，今次酒精更加高有4.5% ，係我人生飲過最高濃度嘅酒，叫做 RAINBOW SHERBET SOUR。 整體感覺就係比琴日更加苦，但係因為佢有酸味，cover咗一部份苦，就絕對唔係難飲，或者得個苦，對我嚟講好飲嗰啲係德國飲嗰啲啤酒，嗰啲真係得個苦字，飲咗大半日，話唔定呢隻酒都係一樣咁苦，淨係啲酸味我鍾意所以唔為以。 覺得琴日嗰隻嘅檸檬酸味比較吸引我，呢隻酸味唔係咁好飲。好在買咗兩支檸檬味。 由於酒精濃度比較高，唔想一口氣飲飯，比琴日用咗幾個鐘先至飲晒。 剩返最後未試過隻就係5.5%，對目前嘅我嚟講應該係地獄級，唔知會點呢？下個星期先會飲。
Posting Time: May 09, 2025, 04:39 AM #
過咗幾個星期之後嘅今日開埋最後未飲嘅呢支5.5%酒精濃度嘅NEON JUNGLE IPA鬼佬啤酒，完全唔知佢係咩味，前兩日飲咗另外一支買多咗嘅檸檬味目前so far覺得檸檬味最好飲。 咁高嘅酒精濃度應該係第一或者第二次飲。 主要想睇吓咁高濃度嘅酒精飲完會唔會失心瘋。等我屌哂啲唔開心嘅嘢出嚟，之後我就可以開心地返歸做功課。 琴晚特登擺入雪櫃
Posting Time: May 09, 2025, 04:44 AM #
酒精濃度最重嘅呢隻好明顯苦啲，倒出嚟嘅時候啲顏色深啲，有返以前德國嗰種啤酒嘅苦，咁似乎我要用幾個鐘先飲得晒
Posting Time: May 13, 2025, 11:46 AM #
不確定性增加=不安=emo
Posting Time: May 26, 2025, 04:52 PM #
結論係飲酒對我嚟講，似乎達成唔到我想要嘅目的，因為我唔會令到自己飲得太多飲得太醉，所以我基本上仲係保持清醒，而唔會亂講嘢，只不過飲完之後會覺得好眼瞓然後好快就瞓覺，當安眠藥可能一流
Posting Time: May 30, 2025, 09:56 AM #
今日係2025年5月30號，喺今日我兩個大陸朋友都飛返返中國，然後另外一個日本朋友過兩日就飛返東京，然後又剩返我一個孤伶伶留喺英國啦，最衰到而家我都未叫做有一個稱得上密友嘅英國朋友，不過期待緊隔多一個月之後就可以去畢業旅行
Posting Time: May 30, 2025, 09:59 AM #
06/05/2025 日記 呢一日呢個世界對我嚟講發生咗好多痴撚線嘅嘢 1.google嘅gemini ai明明美國學生免費版突然出錯變咗全世界都可以免費攞然後我成功攞咗三個account 2.Cursor 突然間推出全世界學生免費一年,意味住我出年九月開學之後除咗github copilot之外仲有cursor可以用,話唔定真係出年成份畢業project都可以搵ai做 3.Google出咗 gemini 0506 pro,打代碼嘅性能再次提升 4.印度又打仗,烏克蘭而家又打仗 5.盲俠旅行團走帶咗啲香港人去也門旅行仲要講明係要露營瞓覺，我覺得好危險，我先唔會參加 6.Grand Theft Auto VI Trailer 2 出咗 咁樣睇覺得每一日世界睇落越嚟越糟糕,大背景仲有ai取代工作,年青人失業率,全球向右傾斜,世界各國癲佬上台,帝國主義復闢,民族主義,民主倒退.小子化導致退休金問題,越嚟越覺得世界痴咗線
Posting Time: May 30, 2025, 10:12 AM #
呢個老竇抌機票Barcode上網，然後全家俾人改做糖尿病餐，猶太餐勁好笑 一樣嘅事發生咗好多次，人類永遠唔會學到教訓，仲要第一時間話要投訴國泰 見到佢食一餐都可以出三個post笑死我 自己個post紅咗仲好開心 然後佢係耶L只係加深咗我對基督徒嘅壞印象  所以話threads根本就唔啱老人家玩，我都一早set咗做private ，
Posting Time: May 30, 2025, 10:12 AM #
我睇完呢個post之後我即刻就諗咗好多嘢，然後我已經後悔揀咗依家呢一科，詳細都係year two系列記錄好啲
Posting Time: May 30, 2025, 10:38 AM #
發現有好多人玩緊「 按這篇文愛心 我在留言區發對你想說的話但不告訴哪個是你」 但都只係呃like，comment都係空嘅
Posting Time: May 30, 2025, 10:51 AM #
其實唔需要佩服啲唔將自己嘅野分享上Social Media嘅人，佢哋未必係咁強，只係佢將啲嘢全部祈禱交晒俾耶穌😌，懶得同你哋講 你會向佢抱怨你日常唔開心嘅嘢，但耶L完全唔會向你講佢日常唔開心嘅嘢，佢相信同耶穌講更加有效，或者傷心事都是主的安排，就唔傷心，變咗單方面嘅負能量輸出，就會話你太過負面😍😍
Posting Time: May 30, 2025, 10:54 AM #
學游學修話齋，呢個世界係唔會有人覺得自己係仆街，如果有人覺得自己好仆街，佢一早自殺咗
Posting Time: May 30, 2025, 11:08 AM #
我都冇點樣相信或者認真理過雞湯文 不嬲都係直接搵出件事嘅重心喺邊度，然後再針對嗰個問題去改㗎啦 淨係睇啲雞湯文唔會有任何改變
Posting Time: May 30, 2025, 11:09 AM #
可能我左手寫字用右腦考，可能真係同大部份人思考方式唔同…
Posting Time: May 30, 2025, 11:10 AM #
我對於學游水冇任何興趣
Posting Time: May 30, 2025, 11:16 AM #
永光堂當年喺我中學搞事係我依家咁討厭宗教嘅原因 佢哋開另一個Secret去俾人匿名公審其他同學點稱得上係導人向善？ 又講到自己係大學教授，完全睇唔出儀態
Posting Time: May 30, 2025, 11:19 AM #
我有可能喺七月中戒threads 一個月
Posting Time: May 30, 2025, 11:22 AM #
勁好奇INFJ有幾高要求🤔
Posting Time: May 30, 2025, 02:09 PM #
突然間意識到自己好耐冇食過昆布… 🥺
Posting Time: Jun 02, 2025, 09:35 AM #
點解佢要咁認真… 人哋求其Small talk 吓啫，人哋真係想知咩？嬲到要上threads 🤚🏻😭🤚🏻🔥 Small talk 反面教材
Posting Time: Jun 02, 2025, 09:47 AM #
我會覺得small talk本來就唔需要諗太多啩… 我承認做人講嘢要有分寸，但就算係我small talk 都就真係求其鳩吹兩句，唔會諗太多，因為講嘅嘢根本就唔係你真係care ，例如話「你食咗飯未？」 所以調返轉，我會話係small talk嘅時候，腦殘一下冇乜所謂… 如果呢啲都要諗一餐，做人好辛苦
Posting Time: Jun 02, 2025, 09:50 AM #
咁我small talk講嘢都唔經大腦… 但唔係佢呢種 Small talk 叫做small就係因為講嘅嘢唔會正經得去邊，佢似乎唔明
Posting Time: Jun 04, 2025, 08:59 AM #
呢排我IG reals 演算法都係講去旅行，勁多人like，例如法羅群島，黑山，北馬其頓 諗吓諗吓有小恐怖，社群媒體刻意製造慾望同攀比心態，塑造旅行就係人生，唔去旅行就失敗，再暗喻「咁平你都唔去？」消費主義已經蔓延到旅行 唔係否定去旅行，只係呢啲片破壞咗去旅行嘅原意變咗純粹係曬命比較
Posting Time: Jun 04, 2025, 09:04 AM #
勁撚討厭呢啲IG reels講到你唔去旅行就係一個廢柴嘅人咁樣，唔係每個人都適合去旅行㗎囉 我有個毫無自理能力嘅大陸同學，上年同另外一個大陸人去蘇格蘭旅行，佢哋planning冇風險評估，跳上勁少班次嘅巴士去咗荒山野嶺，連Uber都冇，完全冇車，流浪荒野，最後打999 浪費醫療資源坐救護車出市中心，鬧交收場  去旅行有佢嘅好處，亦都唔需要踩到唔去旅行就有罪，人生就唔完整咁樣 唔建議咁樣宣揚消費主義 ，製造攀比心態，趁機踩低人哋抬高自己去咗旅行好開心 再用平吸引唔適合去旅行嘅人去較落後國家冒險 對於reals最近比旅行洗版好不滿
Posting Time: Jun 11, 2025, 09:42 AM #
搞咗半年今日終於搞完隻牙嘅麻煩事… 杜牙根+牙冠 總使費~$11,000hkd😮💨😮💨😮💨🤑 當初以為只係頭痛，冇諗過係隻牙 咁後生就要用牙冠 ⬇️我係壞榜樣
Posting Time: Jun 14, 2025, 09:13 AM #
NHS免費睇牙只係19歲以下全日制學生，但係我已經過咗19歲（下個月20）😭😭 而且因為我以為只係頭痛太遲先睇醫生嘅關係，NHS話幫唔到我做杜牙根，因為我嘅嚴重程度已經要去到用顯微鏡做，只能夠轉介我去私家醫生。 嗰度俾咗$7000 之後再返NHS整牙套第三級俾咗3000幾… 想講整牙套只係睇咗兩次，第一次做冇第二次直接裝，每一次都唔過半個鐘，加埋一個鐘就冇咗$3000 我當杜牙根係做手術咁我覺得還好，其實你講得好啱，就算其他科做定期檢查都冇佢哋咁誇
Posting Time: Jun 14, 2025, 09:30 AM #
一隻咋，而且唔係剝牙，只係杜牙根 嗰陣牙醫有問我想剝咗佢定係留返隻牙去做杜牙根，如果直接剝咗去牙醫話可以包喺NHS Band 3嗰度，所以牙套連埋剝牙先至$3000  但係佢都建議我留返隻牙，所以叫我做杜牙根，變相我要額外俾多$7000整，不過佢哋睇落又幾高科技嘅 個牙套就係上面張圖嘅鐵嘅牙齒外殼
Posting Time: Jun 16, 2025, 01:47 PM #
有隻海鷗喺我屋企住咗半個鐘
Posting Time: Jun 14, 2025, 09:05 AM #
三年前，我覺得自己好怪，好唔合群，覺得自己唔係正常人（本來就sen又點會係正常） 於是呢幾年向住自己心目中認為嘅「正常」去改善自己，結果到咗今年我懷疑呢個世界係咪真係有「正常人」… 唔知點解學校識到嘅香港人都唔符合我認知嘅「正常」，一係就耶撚（on9)，一係就父權變態佬，一係就唔識同人講嘢，又或者比父母管住而冇自信
Posting Time: Jun 22, 2025, 09:33 PM #
最後決定復古Y2K開網站寫blog去emo bye bye Threads 以後唔喺度洗版
Posting Time: Jul 08, 2025, 09:42 AM #
今日嘅我20歲生日了 三日之前仲係1字頭嘅我，尚有些少童真。 想喺二字頭之前留返少少紀念，問職員可唔可以參埋我玩，同職員講仲有三日就20歲，佢話呢啲嘢冇年齡界限，於是我成功混入小朋友 個職員勁好人，見到我用左手即刻拎個左手鉸剪俾我，好過中小學任何視藝科老師🥺 雖然我嘅手殘勞作停留喺幼稚園質素
Posting Time: Jul 08, 2025, 09:50 AM #
真的！ 從來冇人主動俾我！
Posting Time: Jul 08, 2025, 09:51 AM #
感謝偉大的c同志
Posting Time: Jul 08, 2025, 10:21 AM #
然後今日淨係依家去咗屋企樓下個公園睇日落，冇點慶祝，好多嘢做同太攰。 話說上年19歲生日活動實在太過好，變相我相信短期內都好難可以超越，今日打返開上年收到嘅嗰份生日禮物見到都好開心。 佢送嗰包糖我仲未開嚟食（唔想食咗佢） 本來諗住20歲生日最好嘅活動就係走去申請試揸Tesla，因為tesla 要滿20歲先可以試揸，又唔使見啲sales ，我目前又冇諗住買車。 可能過幾日先去？
Posting Time: Jul 08, 2025, 01:25 PM #
Threads兩歲生日加兩日後又剛好20歲生日的我回來回答： 是的，這裏很可以，完美地達成本來就想要的目標。 TLDR: 透過喺Threads寫文章整理過去經歷，成功抵抗咗一個用道德勒索想令佢信教嘅同學，證明咗呢個記錄過程幫建立堅定嘅價值觀同判斷能力。 嚟到英國之後，我喺中學時期喺Secret網上平台受到攻擊，人哋去判斷我係好人定係壞人，呢件事令我開始意識到，我係一個點樣嘅人，做得啱定錯，應該由我自己去判斷。只要我有足夠能力判斷自己啱定錯，就唔需要care人哋點講，當時嘅我的確係冇呢個能力。 於是兩年前，我決定將中學時期發生過嘅所有事情重新整理一次，希望可以從中得出一啲攻略或者結論，令我更加清楚人際關係嘅運作模式。我唔想盲目相信一切都係上天嘅安排，亦都唔想因為逃避過去不愉快嘅經歷而令自己原地踏步，所以我想透過呢個方法嚟提升自己嘅社交能力。 只有發生喺我身上嘅事，我先會最清楚當時嘅細節、選擇同埋想法，先係最適合有效用嚟學習嘅材料。 由於直接面對中學時期嘅背叛、諷刺、失望經歷實在太痛苦，我決定將所有事件去個人化，將自己當成第三方嘅客觀角度嚟公開寫文章。
Posting Time: Jul 08, 2025, 01:25 PM #
喺呢個過程中，我會批判自己對錯，同時都會思考其他中學同學嘅行為同因果關係。雖然短期內會因為發現自己做過嘅錯而感到痛苦，長遠嚟講我知道有啲乜嘢唔應該再做。 上年終於完成思考中學系列文章，以為自己嘅能力已經提升得差唔多，就面臨今年Group project問題。 今年嘅group project衍生出嚟嘅人際關係問題實在太複雜，我遇到咗目前為止最強嘅對手。佢係一個相信吸引力法則嘅人，認為我喺呢度嘅負能量同唔開心會干擾到佢向宇宙發射正能量。但係佢完全冇去處理令到我唔開心嘅group project問題。 佢將我喺group入面指出嚟嘅「事實」完全忽略，然後轉移視線攻擊我呢個「人」嘅人格，向我施展我人生第一次嘅道德勒索。因為當初我俾佢睇過我嘅Threads，佢知道我嘅弱點正正係人際關係，所以佢就專門用我嘅弱點嚟攻擊道德勒索我。 佢一方面講到自己好有愛心同包容心，另一方面就講我有幾衰，用晒啲你無可反駁嘅個人觀感（例如講嘢太快）嚟攻擊我，又話我太重負能量搞到佢唔開心，故意令我有罪惡感，再用晒啲你唔可能反駁嘅地表上最美好嘅詞語嚟攻擊。你總唔能夠話你唔鍾意包容、唔鍾意和平嘛。
Posting Time: Jul 08, 2025, 01:25 PM #
所以佢同以往任何一個明確嘅敵人都唔同，佢係調轉嚟想令我覺得佢唔係我嘅敵人，甚至係幫緊我，然後調轉嚟令我質疑我自己從一開始嘅決定，質疑我所堅持嘅例如抗議佢哋隔離緬甸朋友，形容啲女性都是軟弱無能係咪正確（因為會違反佢口中世界上最美好詞語嘅「和諧」同「愛」）。 佢想令到我覺得自己係一個易怒嘅人，令到我感到自己好有罪惡感同埋無助感。摧毁我近年嘅核心價值，然後最後原來佢嘅目的都係想令到我去信教。但係佢嘅做法非常邪惡，佢先形容到我係罪人，然後再用一種聖母嘅角度，話佢推薦咗一個佢自己都覺得有效嘅方法俾我。但係明明就只係佢特登踩我行為嘅正當性，然後搞到我低落，再推薦我去信教，將解決唔到嘅事去交俾耶穌解決。 所以呢個係一場靈魂爭奪戰。 但係嗰一日佢的確係令到我嘅思想動搖咗，佢懷疑自己做嘅嘢係咪真係啱，佢嘅道德勒索的確係成功咗一段短時間。令我嗰排喺Threads問大家，亦都有問朋友，我係咪真係太過負能量。我真係覺得自己係咪負能量太重，更加唔開心咗一段時間。 呢個時候呢幾年喺呢度寫嘅文章嘅作用就顯現出嚟。如果冇呢度俾我去整理我自己以前發生過嘅事，我嘅心靈就會仍然係非常脆弱，而且基於我嘅價值觀未建立好，
Posting Time: Jul 08, 2025, 01:25 PM #
仍然極受人哋對我觀感嘅干擾，我就真有可能比佢控制走咗去信教。 於是我再一次喺呢度睇返晒我當初寫嘅日記同埋對話紀錄去做整理，做返我以前處理中學系列嗰陣一樣嘅嘢。 經過研究後，我發現如果我真係中咗佢嘅勒索嘅話，只會導致更重嘅抑鬱，因為就只會覺得自己一個大仆街，然後周圍向人道歉贖罪。我就會陷入幾年嘅墮落。對我嚟講，信教只係蓋掩住發生咗嘅事，唔去理解因果關係。 喺呢度寫文章令到我知道其實我唔需要去刻意同佢一樣，相信吸引力法則，壓抑自己負面情緒，只向外發射宇宙正能量，祈求識到更多好人，因為我喺呢度去釋放我嘅負能量之餘，仲可以引到我思考。對於今年嘅人際關係我已經寫咗150篇+文章，但我從來都唔認為Over Thinking係一個缺點，因為我會理解為同真理越辯越明一樣都係越諗得多就越諗得通就會學到越多嘅嘢，而我的確認為我係做到。雖然我唔及我某啲朋友咁表示每個月會讀N本書增長知識，我希望我透過咁樣嘅深入思考可以做到類似嘅學習效果。 我而家出post都post喺啲好隱蔽嘅地方等演算法唔會派出去俾follow我嘅人睇到，但如果有心search嘅話仍然可以睇到我嘅文章，咁樣係最好唔會影響到人，
Posting Time: Jul 08, 2025, 01:26 PM #
但係自己又有一種寫完之後係有人會睇到嘅感覺，所以我寫出嚟嘅嘢唔淨係為自己既感覺，所以更加有動力寫（雖然自己都知道事實就係冇人會睇）。 但就係有我已經有一個比較完善嘅思考反思流程，令到我冷靜用第三方嘅角度重新思考自己下一步，好似多一個人去判斷，我下一步應該點做，今次先會令到我可以堅持自己嘅價值觀。 如果我真係俾佢說服嘅話，即意味我承認我呢兩年來嘅努力失敗，因為就會表示我認為自己失去咗掌控感，放棄理解事情嘅因果同埋自行解決困難問題嘅能力，交俾耶穌解決，將所有嘢都代表係天嘅旨意，連移民英國嘅勇氣都會消失，因為當初正正就係因為有勇氣同埋膽量我先決定喺中五就退學。 可能我細細個已經睇嘅轟轟戰隊同埋藍龍所帶出嚟嘅價值觀已經深植喺我個價值觀體系入邊所以比較難去改，而咁啱藍龍嘅香港版主題曲歌詞都有部分係同我寫回憶錄嘅目的相關： 「回望這旅程 潛在那感情 同在的記憶天空見證 從未會褪色 紀錄人心情 戰鬥以後我像看清」 光的希冀 藍龍2010主題曲 「呼喚你與你夢內躍起修行中激發道理 摯真的憶記 並肩與你創作我傳記」 《奇幻旅程》藍龍2008主題曲
Posting Time: Jul 08, 2025, 02:37 PM #
多謝🥳 唔計畫畫，其實用咗10分鐘就整好 因為本來係俾小朋友玩，所以好多嘢其實都係工作人員整，例如用熱溶膠 所以好玩嘅其實唔係喺整飛機，而係混入佢哋🤪🤪🤪