Posting Time: Sep 22, 2024, 06:48 PM #
今日係我新學年開學日，第一堂係9點上兩個鐘，11點再上1個鐘，之後有4個鐘頭休息，下晝三點再上到五點 重點係乜？ 而家03:48仲未訓 sorry煲緊劇😞
Posting Time: Sep 23, 2024, 03:08 AM #
是靚早 今日係第一日開學，然後咁啱個M記嗰餐號碼係0001 ，有種莫名其妙嘅愉快感覺😋 我真係好鍾意喺火車上面食嘢
Posting Time: Sep 23, 2024, 03:08 AM #
半年冇嚟學校隔離個公園，11點嗰堂完咗之後行咗10幾分鐘過嚟，瞓喺草地等到三點再上堂，今日一隻羊都見唔到😞
Posting Time: Sep 23, 2024, 03:27 AM #
想講第一堂好成功咁拎到attendance啦，然後落堂去到11點嗰堂，我行慢咗少少又要搵課室，遲咗幾分鐘先入課室，然後嗰個attendance print已經唔見咗，又唔太方便問附近嘅人因為個間房好細，一落堂老師即刻走咗，結果攞唔到attendance 🥲 唯有下次準時啲
Posting Time: Sep 25, 2024, 09:51 AM #
啱啱睇咗今個學期四科個考試/功課規則，學校都幾開明，功課有三科都講明可以用AI ，得一個垃圾database完全唔俾用。 . 3科唔使考試只係交小組功課，唯獨垃圾database 要返學校用lab電腦斷網考試，仲要唔剩係得MC ，考試佔100%，我本來就好討厭SQL🥲。 . 好彩我自己選修嗰兩科都唔使考試又可以用AI 
Posting Time: Sep 25, 2024, 10:37 AM #
原來除咗我自己揀嗰兩科之外都要考試 睇咗啲past paper，似乎好難🥲 救我
Posting Time: Sep 27, 2024, 09:18 AM #
我想返屋企… 又想快手做咗份功課先，我諗今晚9:00前返唔到屋企🥲
Posting Time: Sep 27, 2024, 08:49 PM #
最後8:00先離開學校，一返到屋企直接瞓着咗，瞓到12點😓，第一個禮拜返學已經攰到死
Posting Time: Oct 03, 2024, 11:16 AM #
聽日得一個鐘堂都要照返學，感覺好嘥車費😔
Posting Time: Oct 03, 2024, 11:18 AM #
今日走左一堂冇返學haha 加埋尋日嘅day off =happy 
Posting Time: Oct 03, 2024, 11:40 AM #
前日返學上Lab ，隔籬坐咗個印度同學，佢睇落我好似好勁咁，瘋狂問我入邊嘅嘢，我心諗大哥你冇上堂嘅咩，然後我一到做，佢瘋狂喺度望過嚟 到老師過嚟做attendance ，見到我明明都有唔少錯漏，真心唔覺得印度人之前問我嘅嘢有幾多係堅，又問我點開始做份堂課，我心諗黐線未寫錯喺個PDF ，而且佢都有開，都唔係咁難啫? 一夠鐘落堂之後佢就直接走咗，份堂課因為唔使交，佢甚至連開頭第一部份都未做就走咗 我有啲爽，畢竟明明我自己乜都唔知又做錯唔少，都俾人當做大佬瘋狂狂問我問題搞到我好似好勁咁，明明我根本就冇料 我走之前仲特登搵老師睇一睇我份嘢，要佢提多次先真正覺得我識做… 印度佬成功比我水咗🤡🤡🤡🤡
Posting Time: Oct 04, 2024, 03:46 AM #
頭先返學經過門口又有人派免費薯片，我宣布今日返學係值得既。 （啲公司間唔中過嚟派免費demo俾啲學生，吸引我地食過好食之後再買返，或者會過嚟做活動，上年例如有Google派冬甩，domino’s 派pizza ）
Posting Time: Oct 23, 2024, 06:11 PM #
今日係我呢個月以來第一日可以唞，學校啲功課同埋搵工已經差唔多搞死我 好彩今日冇堂，朝頭早落咗M記食早餐，食完瞓到晏晝三點，踩單車去附近公園瞓草地睇日落，之後返屋企打邊爐。開學之後冇時間踩單車，完全冇做運動 sorry我一陣會喺呢度洗版，都會覆返之前save低你哋嗰啲post ，最近真係太忙，完全冇心機玩，淨係Save低冇認真睇
Posting Time: Oct 30, 2024, 07:09 AM #
聽日4:00有一份同好複雜嘅數學有關嘅Assignment要交，勁好笑，就係我發現大家都唔識做 一開始兩個上海同學分別問我識唔識做同埋某幾題識唔識做，我就話我唔識，之後到之前做good project嘅同學問我識唔識做，之後我又調返轉問再問其他同學識唔識做💀 計埋我自己，起碼有六個同學唔識做💀
Posting Time: Oct 30, 2024, 07:16 AM #
真係好忙好忙好忙，開學之後忙到死
Posting Time: Nov 03, 2024, 08:04 AM #
之前一直唔得閒講，萬聖節嗰日我都要返學，我哋個老師着咗寵物小精靈入邊火箭隊嗰套衫返學，大大個R字，掛咗個精靈球係個腰度，再着住對白色嘅水鞋 勁靚仔
Posting Time: Nov 03, 2024, 08:17 AM #
唔太鍾意下個禮拜，五日要返四日學，大部份都係返幾個鐘就得，我寧願佢一個日上晒佢🤦🏻
Posting Time: Nov 04, 2024, 08:38 AM #
學校話呢份功課可以用AI實在太好了
Posting Time: Nov 04, 2024, 08:48 AM #
話說今日本來唔諗住返學啦，今個星期好忙，亦都唔想返咁多日，今日返學亦都學唔到嘢，搵咗個同學可以send pin俾我，點知琴晚（今朝六點）我瞌吓瞌吓就瞓着咗，完全唔記得set鬧鐘，結果今日好成功咁冇咗兩堂attendance 
Posting Time: Nov 04, 2024, 08:50 AM #
點知下晝最後都係有返學…. 我以為嗰堂會冇pin ,唔想再失去attendance ，但最後都係有pin，嘥咗車費返學。  要搞埋晒啲白癡 group project 比其他同學玩，老師又叫我哋評分，但係自我評分之後又乜都唔搞，最後嗰幾張評分紙，依家我哋揼咗喺環保回收箱。 基本上今日返學完全學唔到嘢，係叫做練吓少少英文
Posting Time: Nov 04, 2024, 08:52 AM #
我呢排先終於開咗GitHub 學生Account ，以前一直都有用，但係冇申請學生優惠，呢幾日申請咗之後終於可以免費用 open ai o1 🤓 開心 然後即刻搵佢幫我寫咗嗰個人網站
Posting Time: Nov 05, 2024, 05:11 AM #
今日嚟呢個公園偷食，喺學校食就有少少怪，搞到好似我食唔起正餐咁。 每返一次Lab堂都會比老師 Rick roll 一次，有啲唔甘心，感覺好似俾學校呃咗返學先至會俾佢Rick roll到 一陣坐火車去試吓朋友做非法勞工嗰間餐廳💀（未幫襯過），佢明明今日要返學，佢走咗去返工，搵另一個同學代幫佢請槍take attendance ，點知頭先老師上堂點名認得嗰個同學個樣就唔係我朋友，結果老師話今晚會send封信俾我朋友，我喺隔離笑死🤙
Posting Time: Nov 08, 2024, 07:39 AM #
今個星期每一日都要返學，除咗今日我決定逃學之外
Posting Time: Nov 11, 2024, 02:56 AM #
呢排太冬冇出街，冇去買poppy ，用RAFBF應該都可以啩？🫡 11點上堂嘅時候會唔會真係停2分鐘？Remembrance Day
Posting Time: Nov 19, 2024, 03:47 AM #
終於搵到個比圖書館好一千倍嘅地方 圖書館人太多，啲位冇乜安全感，唔適合自閉emo 呢度配是日零食💯 不過呢度仲未落雪😭，羨慕死我
Posting Time: Nov 19, 2024, 08:06 AM #
發現逢星期二嘅Database lab堂係大家唯一返學嘅原因，可以見到好多平時唔會返學嘅人今日都有返，包括我在內😏 （只係因為呢一科係唯一一科有唔能夠出貓嘅考試）
Posting Time: Nov 25, 2024, 03:46 AM #
下個星期考試，呢排冇心機玩threads，我保證早兩個星期未覆嗰啲comment我一定會覆返🫡
Posting Time: Nov 29, 2024, 07:56 PM #
下個星期二朝早考試，得返禮拜六日溫，下個禮拜一要學車，部署緊禮拜一唔返學。 諗住考完試放學之後直接去試吓火車站樓下嗰間越南餐廳，偶然喺Reddit見到好似幾抵食。  星期三要做暑假實習工面試，我都係要做返少少準備先，要去到下個星期四先開始真係得閒。
Posting Time: Nov 29, 2024, 07:58 PM #
下個禮拜二嘅考試係我大學第一次實體考試，亦都肯定係今個學期考試唯一一科我真係要認真溫，其餘兩科係功課，最後一科Online考肯定用AI 。 明明之前中學有四五科都係咁溫，而家得一科都唔想溫，而且數據庫喺我中學ICT科中五有學過，foundations又有再學過，但係都係入唔到腦，即係話我已經起碼學咗三年SQL，如果今次考試失敗嘅話，就證明我個腦係垃圾！ 喺2024目標入面提到 希望所有考試合格，唔知呢一關過唔過到啦？ 目前為止溫咗part A，完全未開始part B
Posting Time: Nov 29, 2024, 08:02 PM #
希望我可以喺禮拜二考試前調整好作息時間
Posting Time: Dec 02, 2024, 08:55 AM #
晚安世界，聽日要考試，計劃係： 依家瞓覺，1:00am起身，臨急抱佛腳溫書+食早餐飲咖啡，6:00am同fd一齊返學，學校睇日出，9:00am開始考試 考完之後出返市區約阿媽試火車站樓下間越南餐廳（佢午餐，我嘅晚餐）。 大約16:00pm瞓覺💤😴🥱  之後可以享受接近2個月嘅假期🤭 睇吓聽日到底達成到幾多
Posting Time: Dec 07, 2024, 12:50 PM #
喺下星期五到期嘅功課嘅第四題入面感受到老師滿滿嘅惡意
Posting Time: Dec 09, 2024, 03:54 AM #
屌我自己 CS 真係比毒L讀 好人好哥真係唔好揀呢科 又冇頭髮，又大壓力 百害而無一利 DS&A考試真係含撚 警世 冇咩事真係唔好揀呢科 唔好踏入呢條萬劫while LooP之路
Posting Time: Dec 09, 2024, 09:45 PM #
🤯呀 我亂咁copy都有七個like ，仲要我明明就唔係讀緊CS🤣😜
Posting Time: Dec 09, 2024, 09:48 PM #
有心😗，不過今次唔使take care，因為我根本都唔係讀緊正路CS，所以我唔係毒撚😜
Posting Time: Dec 09, 2024, 10:05 PM #
純粹當日記，記錄大學第一次實體考試， 啱啱好10張圖。3/12/2024 1.考試之前嗰一日去超市買咗薯片，糖，一路溫書一路食。 2.凌晨1:00起到身，同fd call 一齊溫書到接近6點，打破三年嚟最長call記錄。就算fd仲比我少溫書，要我教，不過好成功地係我想喺張床度瞓唔溫書嘅時候打過嚟逼我溫。 3.call完20分鐘之後直接去佢宿舍門口等一齊返學，9:30考試，6:30就到學校，非常有責任心。 4.去咗學校自閉位帶咗啲蘋果蜜瓜做早餐 5.冬天學校睇日出 6. fd八點正幫襯啱啱開門，勁難食食嘅學校canteen 7,8. 考試 vibe 9,考完一齊去公園放機散心 10. 同啊媽去間越南餐廳買外賣返屋企，個湯底幾好食，啲麵差咁啲。
Posting Time: Dec 09, 2024, 10:08 PM #
當我聽到啲大陸同學話佢哋肯定考試衰咗應該要暑假重考，內心有啲邪惡嘅開心，哈哈你班友冇得5月返屋企lu🤓
Posting Time: Dec 09, 2024, 10:28 PM #
然後早兩日睇咗yt綠豆最新嗰條兩邊走走，入面話有個伊朗學生山長水遠嚟讀大學話見到啲其他同學問人攞attendance唔上堂，感到好失望，我會話我理解但唔認同. 我覺得返學上堂冇乜太大意義，如果一月公佈成績呢份我合格嘅話，代表我成個 database考試part 2 sql，lecturer上堂用一個學期講，到頭來我淨係靠睇下面呢條youtube片兩個半鐘廣東話教學,就已經可以足夠合格，都唔知咁辛苦返學為咗乜嘢，仲要朝頭早九點到學校，甚至乎我唔係真係唔識，只係唔夠時間做先唔高分. 學校教嘅好多嘢都同搵工冇關係,其實而家返學只係為咗張證書 https://www.youtube.com/watch?v=OtM74u3Fbw0&list=PLb02lEEsdpfZM30vv0zspGH3VkU8wsl88
Posting Time: Dec 23, 2024, 07:42 AM #
想講上個月11月19號，天氣溫度接近零度，嗰日我要返學啦，本來約咗fd放無人機，因為佢本來話12月去蘇格蘭想放無人機，然後佢唔識玩，想我教佢，所以我哋兩個都帶咗返學。 嗰日我只係需要返上晝，fd上下晝都要返，中間有幾個鐘頭break ，當佢break嘅時候出邊落緊微雨所以冇得飛，思考咗一陣之後我決定放學留喺學校搏一鋪希望佢放學會天氣好等4個鐘等佢三點放學。 結果到咗1:00嘅時候個天空冇落雨，但係佢就上緊堂。 到咗3:00佢落咗堂之後同佢一齊行咗上山準備放，嗰陣時都冇落雨，點不知上到山，準備好晒天氣之後又落雨，但係咁嘅天氣見到喺遠處啲牛仍然繼續食草，我地唔想整壞部機就冇飛到。落雨仲要搞到啲泥變到沼澤咁好難行返出去，整污糟晒鞋同埋背囊，當然啲衫濕就一定。 只能無功而返，當我落返山同朋友解散咗之後諗住去學校廁所洗返對鞋，發現個天又冇落雨，仲要出太陽。我頂佢英國天氣，我冇上返山，嗰陣已經接近日落。 結果依家嗰一日就變成喺零度天氣嘅情況下仍然風雨不改地上山探望牛牛，成為牛牛們嘅真愛
Posting Time: Jan 23, 2025, 03:38 PM #
哈哈，終於早兩日返學校參加活動再喺學校隔籬個公園度見到羊！勁可愛，佢哋喺我面前隊草😝 基於季節性放牧，佢哋只有冬天先會過嚟，大半年冇見過佢哋囉
Posting Time: Jan 23, 2025, 03:40 PM #
純日記 20/1/2025 今個星期一返學校參加咗Sussex ai day,係一個需要提前上網報名嘅活動，我發現我完全冇身邊識嘅同學參加，一開始已經覺得奇怪點解好似學校冇乜同學講呢個活動，因為而家學校未開學，學校冇乜人。 結果嗰日返學攞個人名牌嘅時候先發現仆街，參加嘅人全部都係啲咩researcher ，碩士生，總之就係好勁嘅人，又或者開公司嗰啲。 但我嗰日返學最主要都係想聽吓，同埋想觀摩一下，就算聽唔明都好（因為我根本就唔係讀AI /ML)，純粹想了解吓學校邀請咗過嚟嘅大佬演講會有咩高見？因為學校邀請咗  Marc Deisenroth （UCL,Google DeepMind 機器學習與Ai主管),而我每一日都用緊Google嘅AI產品gemini ，我覺得勁好用，亦都好想睇吓佢會講咩未來發展，亦都想好好感受吓一下大學比嘅資源，有時就要自己爭取呢啲機會。 始終呢啲機會唔多，亦都類似於科大之前邀請咗nVidia CEO過去演講一樣，我學校都好難得先邀請到咁勁嘅人過嚟。
Posting Time: Jan 23, 2025, 03:52 PM #
起碼叫做觀摩吓有見過啲大佬，增加我對呢一方面嘅興趣，同埋我覺得係一個訊息差，我本來就只有少少興趣，但係聽完佢講之後多咗了解呢一方面咁遲啲有需要嘅時候就會用得着。 我都係第一次參加啲咁認真嘅大學演講，可以俾我了解吓到底英國嘅認真大學演講係點樣嘅，尤其是參加嘅人大多數都係research嘅人，學生只有唔夠5% ，因為平時返學上堂同一個位置同一個大廈同一個lecture房，但係啲人平時就上堂打機，冇乜太多人邊個認真聽，個氣氛差好遠。 最好結果佢嗰日講嘅係主要關於用AI預測天文氣象，講緊由以前到而家到未來係點樣預測天氣，雖然就唔係好有用，但係我中學讀地理所以都有少少興趣。 因為呢個活動係日日，所以晏晝學校竟然有提供食物，所以好開心可以喺學校免費食一餐，直接將車費回本，有啲意外，佢哋竟然唔係喺餐廳食飯，竟然直接喺lecture門口度派類似兩餸飯嘅嘢，有咖喱飯同埋雞串。總括而言都算開心，因為啲人坐晒喺出邊食飯，我冇位坐，仲偷偷地入電腦房食飯（唔係學校學生嘅人根本入唔到，所以好舒服）
Posting Time: Jan 28, 2025, 05:08 AM #
你話到底逃學有冇罪惡感，我問咗幾個人有啲話有，所以佢哋嘅出席率仍然係100 ， 我自己嘅睇法係如果返學嗰一日比我自己認為係有用嘅，咁咪要返囉，冇用嘅咪唔好返。 早兩日聽到幾個觀點亦都非常正確，就係你屋企人俾咗300,000你，你明明可以將個筆錢落去溝女攞去飲酒食煙吸毒，但係無論過程係點你換咗張證書返嚟，都已經係值得
Posting Time: Jan 28, 2025, 05:10 AM #
諗住一陣返到學校之後租共享單車，踩單車去吓隔籬個公園，兩點先再上堂，而家1:05 ， 因為我有一張Brighton berti 共享單車一個月內用嘅800分鐘免費券，踩單車唔使錢，唔用咗佢有啲可惜而且踩下單車身體好。
Posting Time: Feb 22, 2025, 08:01 AM #
2025年雖然上學的日數去到現在2月中，因我1月尾才開學，我到目前為止只是上6天的學校，不算多。但是每一天上完學之後放學，都是很累，有很多不同的想法。譬如現在，今天是星期六，不需要上學。只是很想記錄一些我學校發生的事，對於自己家裡發生的事，我是沒有什麼感想，是非常平和的。 覺得上學提供很多不同的不開心或者開心的情緒給我，搞到我覺得需要記錄下來而需要寫日記。在家裡我是不需要記錄這樣的東西。所以不上學對我來說是一件好事，不學校是最開心，甚麼事都不會發生，自己做自己最開心的事。
Posting Time: Feb 22, 2025, 08:08 AM #
英國的巴士在2025年加價，加1磅加到3磅。單程譬如我去某個地方來回就已經6磅的時候，加價令到火車更便宜過乘搭巴士。以前上學，在peakhour的時候上學乘搭巴士是便宜一點的，但現在變了peakhour的時候火車仍然是比較便宜的選擇。又或者放學放學我就算沒有用任何額外的折扣，只用鐵路卡一張回程火車票在Off-peak的時間只有2.8磅。可是如果單程車都要3磅，即是説巴士比火車貴兩倍。 以前並不是這樣，以前peaktime上學的時候當火車是6磅多，然後巴士是4磅的時候，差距是沒有那麼大。就會發現巴士其實是很便宜的，火車會貴很多。現在完全的情形是相反的，結果導致於我2025放學坐火車坐的人多很多，擠迫很多，因為火車比坐巴士便宜。 上年12月我這巴士與GooglePay合作，弄完免費的一個星期坐巴士後，我當時去了不同的地方。自從那次之後，我都沒有再在Brighton乘坐任何一程巴士，因為太貴了，三磅一程，承受不起。 2025上學，到2月22日為止，開學後好像只上了大約六天的學。所以我每天，一是共享單車返學校，因為我現在踩單車每月有800分鐘免費，一是坐火車返學，而是從來沒有坐過巴士。
Posting Time: Mar 10, 2025, 02:53 AM #
天氣終於冇咁凍，唔使着羽絨返學，淨係着咗一件褸
Posting Time: Mar 10, 2025, 03:01 AM #
依家搭緊火車返學，11:00-1:00有堂
Posting Time: Apr 10, 2025, 02:20 PM #
今日返完今個學年最後一日學！🥳 我放暑假了，九月之前唔使再返學！  五月考試只係Online考，得一科，雖然聽朝九點仲有一堂，但係我唔會返㗎啦😝😝😝 剩返兩份功課，份group project我放棄啦!另一份做咗一半，搞掂之後唞返幾日先！
Posting Time: Apr 12, 2025, 10:52 AM #
早兩日嘅星期四返埋大學二年級最後一日之後，即係代表我四年大學生涯已經過咗¾ 
Posting Time: Apr 18, 2025, 04:41 AM #
🤡咁都仲有功課要做嘅
Posting Time: May 10, 2025, 05:49 AM #
終於做晒功課啦！！！ 假期我來了