Posting Time: Jan 31, 2024, 06:14 PM #
好奇如果暑假期間呢兩個活動揀一個大家會點揀？
Posting Time: Feb 06, 2024, 07:12 PM #
上個禮拜收到學校有封信講學校有獎學金去 德國或者韓國玩summer school可以申請 諗咗兩日，我前幾日申請咗六，七月去德國玩summer school。 有學校完全資助學費，機票費同埋住宿， 仲有少少生活費（約£300) 明明我大學讀電腦，但我揀咗去讀納X德國 （去德國讀納X德國歷史💀 而且希特拉同我一樣MBTI 💀 希望我返嚟之後唔會屠X你地💀） 申請之前問咗個德國fd 覺得summer school 點，佢叫我申請去玩吓，有啲信心保證 雖然只係Summer school，我見間學校嘅排名都幾高。 就咁睇就好似幾爽吓～ 啱啱好一月中先去完柏林嚟，根據我去幾日旅行嘅使費，計過大約要自己出£400-600出嚟就可以喺歐洲hea 一個月 但申請勁黐線，係反向種族歧視，佢講明白人係比較唔「優先」，黑人或有色人種係優先，我覺得超戇鳩，不過算啦，反正我有着數 但個風氣真係黐線，說好的公平呢？ 唔知學校批唔批禾呢？
Posting Time: Feb 06, 2024, 07:22 PM #
學校仲有個獎學金可以申請 可以贊助殺返香港玩中大summer school 但係我冇資格申請 （如果我話我係香港難民走去申請贊助返中大讀會點？💀🤪）
Posting Time: Apr 01, 2024, 04:30 PM #
2月6號我講過申請咗學校資助個德國Summer school 更新吓呢兩個月發生咗啲乜 費事洗版 寫係下面嘅留言區🫡
Posting Time: Apr 01, 2024, 04:39 PM #
三月頭學校批咗我去德國玩summer school嘅申請，津貼加埋有接近二/三萬港紙 嗰下即刻覺得中學同學入大學可以喺中學攞到嗰幾百蚊獎學金（作為交換條件比學校宣傳）瞬間變得唔重要 唔知點解我內心見到佢哋有獎學金始終都係有啲心痛？定係妒忌？ Sorry我知我真係唔應該咁諗，應該等佢哋開心，我明明係個垃圾，又想攞又妒忌人哋有獎學金真係弱智，但我未攞過獎學金🥲 但係你話我喺學校表現好叻咩又會有咁多獎學金，其實我覺得只係因為我係亞洲人 佢哋而家興反向歧視，根本唔夠膽拒絕我嘅申請 所以學校係包咗€840學費，£200生活費，一部份嘅£1000住宿，£150機票，仲有保險，但唔包交通
Posting Time: Apr 01, 2024, 04:47 PM #
雖然學校比£1000去做住宿，但係我發現柏林根本冇可能一萬蚊就搵到30日嘅住宿嘅要自己補貼唔少，除非同人哋夾住一間房 上星期收到錢之後一直喺度搵有咩網站比較好，我間大學以前去過嘅同學淨係推薦B&B要同陌生人住，但都幾貴下，一開始收到錢之後即刻係一個住屋網申請一間1600磅一個月嘅住宅一個人住，即使加埋個200磅生活費都唔夠回本🥲，又要上載身份證明同埋銀行月結單，過兩日之後佢房東拒絕咗我，佢批咗另一條友係嗰段時間住💀 我諗吓諗吓不如都係去返間summer school Facebook gp嗰度搵睇吓有冇讀同一科嘅人（得18個名額）咁有緣想同我一齊住一半一半房租，第二朝即刻有人話有興趣仲要真係同同一科咁有緣😆 WhatsApp connect之後係咁以傾兩句，原來佢係北京人喺香港讀中大，之後去柏林讀summer school，雖然係大陸人，不過搵到肯一齊住分擔費用，讀同一科，中國人可能夾啲，都算啦，但係因為我哋都唔急住book所以未有下文 （我識到嘅人全部都係大陸上海/北京人😅）  德國間大學佢都有推薦住宿嘅列表，撠到入去，冇一間有位嘅，幾平都冇用😮💨
Posting Time: Apr 01, 2024, 04:55 PM #
學校搞呢樣嘢嗰個老師，佢send信話如果我哋有咩想知都可以問佢，好啊，咁我總共問咗佢兩條交通/住宿問題，佢每題都話唔知，叫我問返德國學校… 呢排喺度諗緊坐飛機定坐火車來回？ 學校俾得£150交通費都係唔夠，本來諗住£75一程夠搭飛機，但係睇吓睇吓個數似乎都係搭火車會抵啲，同樣價錢可以帶大件啲行李，easyjet唔包行李都好鬼貴單程起碼£70，加埋咪要£100+?諗起一月去布拉格先至£30😭 （但今次係夏天+要帶行李）
Posting Time: Jun 15, 2024, 05:49 AM #
終於輪到我走佬 ～14:44 Bye bye Brighton 我會掛住啲海鷗😔
Posting Time: Jun 20, 2024, 03:11 AM #
其實我從來都冇飲過酒👉🏻👈🏻 今晚試一次啦 4.5%酒精 🤡
Posting Time: Jun 20, 2024, 03:13 AM #
都係算啦，我發現原來聽朝要同學校9:00參觀唔知邊度😓 即係我要七點幾就起身😓 起唔到身就大鑊了
Posting Time: Jun 21, 2024, 09:02 AM #
應該會嘅 我仲有張宿舍樓下間酒吧嘅免費啤酒券未用
Posting Time: Jun 21, 2024, 09:03 AM #
我真係唔點飲酒 可樂好飲好多又冇咁傷身
Posting Time: Jun 21, 2024, 09:12 AM #
本身今朝學校約咗8:55要喺個博物館接待處度等 信入邊話約咗9:00嘅導遊 咁我預計9:00之後先去到博物館入邊嘅話，導遊會帶走咗佢地，會好難搵返啲同學，最好唔好遲到 封信話個博物館距離最近火車站只係10分鐘路程 我今日8:00出門口，去到最近個火車站已經搭45分 一落火車開Google Maps發現 頂 要行17分鐘嘅 說好的10分鐘呢？？ 接近博物館已經差唔多9:00，所以我直接跑過去，結果遲咗2分鐘先到🚬 我勁攰跑到過去再跑上樓梯之後先發現 老師都未到🚬🚬😓最後老師都係搭一先到 話唔定老師連自己都呃埋 我咁辛苦跑嚟做乜？🤡
Posting Time: Jun 21, 2024, 09:16 AM #
想講琴日我諗住唔使返學放假啦 跟學校參加咗個團夜晚去國會大廈參觀 點知道解散嘅時候已經夜晚八點 仲遇着歐洲杯封路  返到宿舍已經九點  10點食少少嘢 然後今朝要七點幾起身 坐成個鐘頭出去市中心 琴晚乜都冇做過 完全冇覆大家message  到而家我仍然好攰咁喺張床唞緊 頭先瞓咗幾個鐘頭覺 等我一陣沖返個涼先再講 我仲有成堆嘢要做😓
Posting Time: Jun 21, 2024, 12:50 PM #
啱啱先發現似乎呢隻就係其中一隻德國啤酒🤡
Posting Time: Jun 30, 2024, 11:41 AM #
雖然我依家住嘅呢個宿舍有gym Room 但係我從來冇去過 平時已經已經一日行萬五步攰死 已經冇力去做健身 今日係我呢個禮拜唯一一日休息唞吓 主要係因為今日禮拜日 出邊啲舖頭超市唔開門
Posting Time: Jun 30, 2024, 12:21 PM #
唔建議依家嘗試同我玩冷戰 我呢個月都喺柏林大學讀緊納粹二戰 遲啲仲要做present 仲參觀咗唔少嘅柏林冷戰景點 如果任何人依家同我冷戰嘅話 我只會問:你咁勁，咁你幾時建立檢查站,幾時起圍牆,幾時匿喺防空洞,幾時上太空,有冇準備軍事競賽? 如果你手上冇核彈就同我搞冷戰，對我一啲威懾都冇，起碼你都要確保可以根據”相互保證毀滅原則”(M.A.D.) 同我達成恐怖平衡 同歸於盡先得㗎 🤓🤗
Posting Time: Jun 30, 2024, 12:23 PM #
單車已經學識咗啦 但係已經有兩個星期冇踩 因為呢邊我唔想租單車 反而喺街上面租玩電動滑板車🛴 以前冇玩過，亦都學識咗 用咗2分鐘就上手
Posting Time: Jul 02, 2024, 02:10 AM #
好攰😮💨 琴日勁趕時間特種兵食一口氣去咗三個小鎮 加埋坐咗火車超過11個鐘 其實我有好多相想擺上IG  不過攰到唔想做 3:00瞓覺 瞓得幾個鐘 依家又要出市中心 同老師同學一齊坐火車去課程包埋嘅薩克森豪森集中營參觀 似乎要今晚先得閒覆大家啲comment ～
Posting Time: Jul 02, 2024, 10:23 AM #
前提係佢要同我簽訂過互不侵犯條約
Posting Time: Jul 04, 2024, 02:47 AM #
大鑊 坐錯車去咗一個人都冇嘅荒山野嶺 好彩10分鐘之後有車回頭🤡🤡🤡🤡🤡 好彩冇落雨，仲收到數據 但收唔到GPS  呢度邊度嚟😰
Posting Time: Jul 05, 2024, 01:54 PM #
(拖咗成個禮拜先寫) 前排我寫咗張明信片寄俾一個threads友 係我第一次寫明信片寄俾threads友 （我知道threads最好玩嗰段時期大家已經有咁做) 冇諗過真係夠膽俾屋企地址俾我 唔同寫明信片去自己屋企或者寄俾其他一早知咩料嘅朋友 今次都會想寫得好啲 衰就衰在 我手殘有病啦 (絕對唔係博同情可憐) 我啲字由細到大都係好醜 小學成日俾老師要求重做功課 自從中學之後已經有兩年冇掂過筆 又冇寫過中文 頂多係簽名 啲字比以前更加樣衰 又寫錯字 要用塗改帶 啲字睇落完全唔似一個成年人寫 更似係幼稚園學生嘅字跡 成張明信片一塌糊塗 寫左先發現我搞到收threads友好似做緊關懷大使 助養非洲兒童咁收信 收到咁醜嘅字睇落似收到有病需要幫助嘅兒童寫嘅感謝關心信 話唔解介意更加令我似有需要幫助關懷嘅兒童 有啲對唔住佢👉👈 收咁一塌糊塗嘅信🤡
Posting Time: Jul 08, 2024, 07:18 AM #
最後一個禮拜老師先嚟中肺炎…🙂↔️ 遠水路過大海嚟德國上zoom別有一番風味🤡 不過我可以唔使對住全班同學present 希望大家都掛機🙏🏼🙏🏼
Posting Time: Jul 09, 2024, 10:59 AM #
屌，我真係好撚柒戇鳩🤡🤡🤡🤡🤡🤡🤡 零經驗諗住去睇波，帶咗樽裝可樂同埋開瓶器 結果喺個安檢門口唔俾入 我又唔可以抌個開瓶器，係間宿舍嘅 依家只能夠坐40分鐘火車單程返去放低先 一陣再出返嚟 希望可以喺中場休息嘅時候出得返去睇🙂↔️
Posting Time: Jul 09, 2024, 11:06 AM #
氣死偶嘞！ 我到河北省來 死史太林 喳喳
Posting Time: Jul 09, 2024, 11:09 AM #
承認吧 我就只是個白癡小丑
Posting Time: May 30, 2025, 10:47 AM #
見到呢個kol賣韓國高麗大學summer school嘅廣告，上年我我直程有學校sponsor可以揀去德國柏林定係去呢間讀，然後我諗都冇諗直接揀咗德國，因為德國嗰間排名高好多，我想讀歷史（中三想揀但係比社工叫我唔好）。 但係見佢呢個廣告講到幾好，講到好似淨係去玩咁，都唔似係讀書， 佢喺去韓國嘅時候去主題樂園玩，但係我嗰陣時係去咗納粹德國集中營參觀，反差都幾大 淨係玩一個月，然後又可以有個畢業典禮又有件畢業袍着下又好似真係幾好咁，可能我哋學校係真係讀書，所以冇呢啲嘢，last day就真係返一返學教埋最後嘅嘢就完，完全冇任何典禮。 佢話識到幾個香港人，我覺得我識到幾個星加坡人仲好 所以睇完個廣告之後都係一啲都唔後悔。 雖然我當初揀咗韓國嘅話，我應該會返英國之前去一去日本或者台灣